Kyssti Zlatan á munninn og var í kjölfarið sleginn af Svíanum

Van Der Meyde og Zlatan léku saman hjá Ajax á árunum 2001-03 og lenti stundum saman. Hollendingurinn lýsti einu slíku atviki í sjónvarpsþætti á dögunum.

„Þegar ég var hjá Ajax sat ég alltaf við hliðina á Zlatan í liðsrútunni,“ sagði Van Der Meyde.

„Einn daginn þegar hann var sofandi kyssti ég hann á munninn. Nokkrum sekúndum síðar sló hann mig.“

Zlatan og Van Der Meyde fóru ólíka leið í lífinu. Á meðan Zlatan er einn besti leikmaður sinnar kynslóðar og enn að spila fór Van Der Meyde út af sporinu. Hann náði sér ekki á strik hjá Everton og lenti í klóm fíknarinnar. Hollendingurinn lagði skóna á 2012.