Alisson að skrifa undir nýjan samning við Liverpool

Samkvæmt heimildum eru viðræður Alisson við Liverpool um nýjan samning sem mun gilda til ársins 2026, vel á veg komnar og má ætla að kynnt verði frá því á næstu dögum.

Hinn 28 ára gamli Alisson gekk í raðir Liverpool frá AS Roma sumarið 2018 og var fljótur að vinna hug og hjörtu stuðningsmanna Liverpool.

Á öðru tímabili sínu með enska stórveldinu átti hann stóran þátt í að binda endi á langa bið félagsins eftir enska meistaratitlinum.

Liverpool tókst ekki að fylgja meistaratitlinum vel eftir og hafnaði liðið í 3.sæti ensku úrvalsdeildarinnar á síðustu leiktíð. Í sumar hefur liðið fest kaup á franska varnarmanninum Ibrahima Konate.