Fótbolti

Barcelona heldur á­fram að bæta við sig leik­mönnum

Runólfur Trausti Þórhallsson skrifar
Irene Paredes, landsliðsfyrirliði Spánar, er gengin til liðs við Barcelona.
Irene Paredes, landsliðsfyrirliði Spánar, er gengin til liðs við Barcelona. @FCBfemeni

Evrópu- og Spánarmeistarar Barcelona halda áfram að bæta við sig leikmönnum en Irene Paredes hefur samið við félagið. Er hún þriðji leikmaðurinn sem gengur í raðir Börsunga á síðustu fjórum dögum.

Hin þrítuga Parades kemur frá Frakklandsmeisturum París-Saint Germain þar sem hún hefur spilað í fimm ár. Hjálpaði hún PSG að stöðva ótrúlega sigurgöngu Lyon. Hún er einnig fyrirliði spænska landsliðsins og á að baki 77 landsleiki fyrir Spán sem og fjóra fyrir Baskaland.

Parades hefur leikið með Real Sociedad og Athletic Bilbao í heimalandinu.

Miðvörðurinn öflugi var samningslaus og því þurfa Börsungar ekki að borga neitt fyrir leikmanninn. Hún gengur til liðs við ógnarsterkt lið Barcelona sem vann Chelsea 4-0 í úrslitum Meistaradeildar Evrópu og rúllaði yfir spænsku deildina.

Á miðvikudag samdi Barcelona við sænska landsliðsframherjann Fridolinu Rolfö en degi áður hafði norska landsliðskonan Ingred Engen samið við félagið. Það er ljóst að Barcelona ætlar sér að vinna alla þá titla sem eru í boði á næstu leiktíð.


Tengdar fréttir

Sænsk lands­liðs­kona til Barcelona

Evrópu- og Spánarmeistarar Barcelona hafa samið við hina sænsku Fridolina Rolfö. Semur hún til tveggja ára. Kemur hún frá Wolfsburg líkt og hin norska Ingrid Engen sem samdi við Barcelona í gær.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.