Erlent

Björn særði fjögur í Japan

Árni Sæberg skrifar
Veiðimenn aflífuðu björninn.
Veiðimenn aflífuðu björninn. Yohei Fukai/AP

Villtur skógarbjörn gekk laus í Sapporo, í norður Japan, í dag. Björninn særði fjóra áður en hann var skotinn til bana. 

Skógarbirnir halda sig oftast til í skógum eyjunnar Hokkaido, hvar Sapporo er, en undanfarið hafa þeir í auknum mæli sést í þéttbýli í leit að fæðu.

Björninn særði fjögur, meðal annars konu á níræðisaldri. Líðan fórnarlamba bjarnarins er ókunn en dagblaðið Asahi greindi frá því að eitt þeirra hefði hlotið alvarleg meiðsli.

Björninn braust inn á herstöð og slasaði einn hermann. Þvínæst fór björninn inn á flugvöll og olli töfum á flugumferð.

Ferðalag bjarnarins endaði með ósköpum en hann var felldur af veiðimönnum. Björninn var þó farinn aftur til síns heima í skóginn þegar veiðimennirnir höfðu uppi á honum.

Toshihiro Hamada, embættismaður hjá umhverfisdeild borgaryfirvalda Sapporo, segir rannsókn hafna á því hvernig björninn komst inn í borgina. „Okkur þykir leitt að fjögur hafi slasast,“ bætir hann við, fullur iðrunnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.