Innlent

Kosið milli fimm nafna á nýjum þjóð­garði á Vest­fjörðum

Atli Ísleifsson skrifar
Dynjandisfoss er að finna innan fyrirhugaðs þjóðgarðs.
Dynjandisfoss er að finna innan fyrirhugaðs þjóðgarðs. Vísir/Vilhelm

Umhverfisstofnun hefur efnt til kosninga á nafni fyrir nýjan þjóðgarð á Vestfjörðum. Fimm nafnatillögur koma til greina.

Svæðið sem um ræðir er að finna á sunnanverðum Vestfjörðum og nær meðal annars til Dynjanda, Geirþjófsfjarðar, Vatnsfjarðar, Surtarbrandsgils og Hrafnseyrar.

Á auglýsingatíma áforma um þjóðgarðinn óskaði Umhverfisstofnun eftir nafnatillögum á tilvonandi þjóðgarð og bárust alls 21 tillaga að nafni frá 28 aðilum. Samstarfshópur verkefnisins fór yfir tillögurnar og valdi úr þeim fimm nöfn sem hópnum fannst koma best til greina.

Þau nöfn sem koma til greina eru:

  • Vesturgarður - einfalt nafn, lýsandi og grípandi
  • Þjóðgarðurinn Gláma - nafnið myndi halda á lofti nafni jökuls sem er horfinn ásamt því að vísa til Glámuhálendis
  • Dynjandisþjóðgarður - vísar til fossins Dynjanda
  • Arnargarður - vísar til stofns hafarna í þjóðgarðinum
  • Vestfjarðaþjóðgarður

Hægt er að taka þátt í kosningunni á vef Umhverfisstofnunar.

Þjóðgarðar Umhverfismál Ísafjarðarbær Vesturbyggð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið