Tímabilið 1993 til 1994 lék Andy Cole með Newcastle United. Skoraði hann 34 mörk er Newcastle endaði í 3. sæti deildarinnar með 77 stig eftir 42 leiki en á þeim tíma voru 24 lið í ensku úrvalsdeildinni.
Harry Kane endaði tímabilið í ár með 23 mörk og 14 stoðsendingar. Kane hefði eflaust verið tilbúinn að fórna öðrum hvorum gullskónum fyrir 3. sætið sem Newcastle náði á sínum tíma en Tottenham endaði í 7. sæti með 62 stig.
1 - Harry Kane finished the season as both the top goalscorer and top assister in the Premier League (23 goals, 14 assists) only the second time a player has finished with both the outright most goals and assists in the competition after Andy Cole in 1993-94. Multifaceted. pic.twitter.com/04Y7r2m7Oc
— OptaJoe (@OptaJoe) May 23, 2021
Félagið er því á leið í Sambandsdeild Evrópu á næstu leiktíð en óvíst er hvort Kane verði enn í herbúðum Tottenham er næsta tímabil hefst. Þessi magnaði framherji vill róa á önnur mið og hefur verið orðaður við bæði liðin í Manchester-borg.
Ef markmið hans er að vinna titla þá er líklegt að blái hlutinn verði fyrir valinu. Það er ef Pep Guardiola – þjálfari Englandsmeistara Manchester City – hefur áhuga á að spila með framherja upp á topp á næstu leiktíð.
