Dagskráin í dag: Úrslitakeppni, úrslitaleikur og Hafnarfjarðarslagur

Við byrjum daginn á golfi, en klukkan 10:00 hefst Investec South African Womens Open á Stöð 2 Sport 4. Á Stöð 2 Golf verður svo sýnt frá Betfred British Masters klukkan 11:30 og AT&T Byron Nelson klukkan 17:00 sem er hluti af PGA mótaröðinni.

Á Stöð 2 Sport eru þrjár útsendingar í dag. Klukkan 13:50 mætast Keflavík og Þróttur R. í Pepsi Max deild kvenna. Í kvöld eru svo tvær viðureignir í átta liða úrslitum Domino's deildar karla þegar Stjarnan og Grindavík mætast klukkan 18:05 og Keflavík tekur á móti Tindastól í beinu framhaldi af því.

Stöð 2 Sport 2 byrjar daginn klukkan 12:55 þegar Genoa og Atalanta mætast í ítalska boltanum.

Klukkan 15:50 hefst svo upphitun fyrir leik Chelsea og Leicester. Leikurinn sjálfur hefst svo klukkan 16:05, en þetta er að sjálfsögðu úrslitaleikur FA bikarsins. Að leik loknum eru ensku bikarmörkin á dagskrá og dagurinn á Stöð 2 Sport 2 endar svo á Frægðarhöll NBA klukkan 21:00.

Stöð 2 Sport 3 er helguð ítalska boltanum í dag. Spezia fær Torino í heimsókn klukkan 12:55 áður en Juventus þarf á sigri að halda gegn nýkrýndum Ítalíumeisturum í Inter klukkan 15:55. Roma og Lazio mætast svo að lokum klukkan 18:40.

Á Stöð 2 Sport 4 verður einnig sýnt frá leik Indiana Pacers og LA Lakers í NBA deildinni áður en Haukar og FH mætast í Hafnarfjarðarslag í Olís deild karla klukkan 19:45.

Áfram verður sýnt frá MSI mótinu í League of Legends sem haldið er í Laugardalshöll á Stöð 2 eSport og hefst útsending þaðan klukkan 12:30.

Allar beinar útsendingar dagsins ásamt næastu daga má sjá hér.