Enski boltinn

Ful­ham í vondum málum eftir fyrsta mark Traor­e á tíma­bilinu

Runólfur Trausti Þórhallsson skrifar
Adama Traore skoraði sigurmark Wolves í kvöld.
Adama Traore skoraði sigurmark Wolves í kvöld. Andrew Couldridge/Getty Images

Wolves vann 1-0 útisigur á Fulham í eina leik dagasins í ensku úrvalsdeildinni.

Fulham þurfti á þremur stigum að halda í botnbaráttunni er liðið tók á móti Wolves í kvöld. Það stefndi í markalausan fyrri hálfleik þegar gestirnir komust yfir í uppbótartíma fyrri hálfleiks. Eftir að markið var skoðað af myndbandsdómara komust þeir að einn leikmaður Wolves var rangstæður og staðan því markalaus í hálfleik.

Í síðari hálfleik var það sama upp á teningnum og staðan markalaus er venjulegum leiktíma var lokið. Í uppbótartíma skoraði Adama Traore sitt fyrsta mark á tímabilinu og tryggði Wolves þar með 1-0 sigur.

Fulham er sem stendur með 26 stig að loknum 32 leikjum í ensku úrvalsdeildinni, þremur stigum á eftir Newcastle United sem á tvo leiki til góða. Wolves er í 12. sæti með 38 stig eftir 31 leik.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.