Erlent

Viðbúnaðarstig vegna flóðbylgjuhættu lækkað

Margrét Helga Erlingsdóttir skrifar
Tugir þúsunda Nýsjálendinga yfirgáfu heimili sín á áttunda tímanum í gærkvöldi að íslenskum tíma eftir að stærðarinnar jarðskjálfti reið yfir sem mældist 8,1 að stærð.
Tugir þúsunda Nýsjálendinga yfirgáfu heimili sín á áttunda tímanum í gærkvöldi að íslenskum tíma eftir að stærðarinnar jarðskjálfti reið yfir sem mældist 8,1 að stærð. Getty/Phil Walter

Í morgun var viðbúnaðarstig vegna flóðbylgjuhættu lækkað á Nýja-Sjálandi. Almannavarnir gáfu í gærkvöldi út viðvörun vegna flóðbylgjuhættu sem gæti ógnað landi og höfn. Nú er hætta aðeins talin steðja að sjávarsíðunni og höfninni.

Tugir þúsunda Nýsjálendinga yfirgáfu heimili sín á áttunda tímanum í gærkvöldi að íslenskum tíma eftir að stærðarinnar jarðskjálfti reið yfir sem mældist 8,1 að stærð.

Íbúar sem búa nærri strandlengju á Norðureyju Nýja-Sjálands fengu smáskilaboð þar sem þeim var sagt að yfirgefa heimili sín eins fljótt og hægt væri. Þeim var ráðlagt að leita inn í land og leita skjóls helst í góðri hæð.

Mikil skelfing greip um sig þegar sírenur voru settar af stað og í hátalarakerfi mátti heyra sagt að ekki væri um æfingu að ræða.

Lækkað viðbúnaðarstig þýðir að fólkið getur nú snúið aftur heim en í viðvöruninni er þó tekið fram að fólk skuli halda sig alfarið frá sjávarsíðunni þar til hættan er liðin hjá.

Á blaðamannafundi í gær sagði Bill Fry, jarðskjálftafræðingur, að stóri jarðskjálftinn hefði riðið yfir nánast fyrirvaralaust. Hann sagði að á hans þrettán ára ferli hefði hann aldrei upplifað aðra eins skjálftalotu.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.