Fundu stafla af reiðufé niðurgrafna á landareign viðskiptafélaga Hatuikulipi Hólmfríður Gísladóttir skrifar 6. febrúar 2021 09:16 Hatuikulipi, fyrrverandi stjórnarformaður Fishcor, hefur verið ákærður fyrir að hafa þegið mútur frá félögum tengdum Samherja, í skiptum fyrir aðgang að gjöfulum fiskimiðum Namibíu. Samkvæmt fjölmiðlinum The Namibian er talið að sumir ákærðu í Samherjamálinu svokallaða hafi tekið milljónir namibíudala af bankareikningum áður en þeir voru handteknir í nóvember 2019 og komið þeim í hendur samverkamanna. Miðillinn greinir frá því að samverkamennirnir noti nú peningana til að standa straum af ýmsum útgjöldum fyrir ákærðu, sem eru sagðir búa við nokkurn munað í fangelsunum þar sem þeim er haldið. Þetta er meðal þess sem kemur fram í frétt The Namibian þar sem greint er frá því að verkamenn á landareign David nokkurs Moller hafi komist í feitt þegar þeir fundu stafla af reiðufé niðurgrafna á jörðinni. Moller þessi er sagður viðskiptafélagi James Hatuikulipi, sem er meðal annars fyrrverandi stjórnarformaður ríkisútgerðarinnar Fishcor. Sagan segir að í nóvember síðastliðnum hafi verkamennirnir tekið eftir því hvernig tveir reipisendar stóðu upp úr jörðinni. Þegar betur var að gáð og togað í reipin reyndust þau bundin við skjalatösku fulla af peningum. Samkvæmt The Namibian virðast verkamennirnir hafa stungið einhverju af fénu í vasann og þá er lögreglumaður einnig sakaður um að hafa haft peninga með sér á brott eftir að málið var tilkynnt til yfirvalda. Íbúar tilkynntu grunsamlega eyðslu Landareign Moller liggur að rándýrri jörð sem er sögð í eigu Hatuikulipi og Sacky Shanghala, fyrrverandi dómsmálaráðherra, sem einnig kemur við sögu í Samherjamálinu. Þess ber að geta að það hefur verið kallað „Fishrot-hneykslið“ í namibískum miðlum. Moller er framkvæmdastjóri D&M Construction, sem hann á með Hatuikulipi og athafnamanni að nafni John Walenga, meðal annarra. Lögregluyfirvöld staðfestu í síðustu viku að peningar hefðu fundist á landareign Moller og að málið væri í rannsókn. Þá hefði það verið tilkynnt til þeirra löggæsluaðila sem hafa Samherjamálið til rannsóknar. Lögreglustjórinn Andres Guim sagði að eftir að þeir hefðu fundið fjármunina hefðu nokkrir verkamannanna tekið hluta þeirra og farið að nota féð. „Áður en við mættum á vettvang og fundum það sem var eftir höfðu þeir falið sinn hlut í runnum og fóru svo um nágrennið og eyddu peningunum í sjálfa sig. Þeir létu yfirmann sinn fá hluta þeirra,“ segir Guim. Hann sagði grun uppi um að verkamennirnir hefðu fundið peninga í tveimur holum en önnur hefði verið tóm þegar lögregla mætti á vettvang. Moller ákærður fyrir peningaþvætti Samkvæmt Guim gáfu verkamennirnir fjölskyldu og vinum hluta af fénu en íbúar tilkynntu málið til lögreglu þegar þess varð vart að verkamennirnir voru að eyða stórum fjárhæðum, meðal annars í áfengi. Moller hefur sagt fjármunina sína og meðal annars verið ákærður fyrir peningaþvætti og fyrir að vera með óútskýrðar fjárhæðir í fórum sínum. Þá var yfirmaður verkamannanna handtekinn þegar hann neitaði að gefa upplýsingar um málið. Lögregluyfirvöld hafa vísað þeim sögusögnum á bug að lögreglumaður eða lögreglumenn hafi mætt á vettvang án leitarheimilda og haft fé með sér á brott án þess að geta þess í lögregluskýrslum. Heimildarmenn The Namibian segja „hákarlana“ svokallaða í Fishrot-málinu hafa getað komið peningum undan þar sem þeir hafi verið varaðir við því að þeir væru til rannsóknar vegna spillingar árið 2019. Fjármununum sé nú varið af ættingjum og samverkamönnum til að standa straum af ýmsum útgjöldum þeirra á meðan þeir dvelja í fangelsum. Frétt The Namibian. Samherjaskjölin Namibía Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Voru sérstaklega varaðir við árás frá ISKP Erlent Ísland að tapa í slagnum um ferðamenn Innlent Lýsisskip strandaði í Fáskrúðsfirði Innlent Átta ára stúlka sú eina sem lifði rútuslys af Erlent Vilja einfalda fólki að komast til sjúkraþjálfara Innlent „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Hætt við framboð og vonast eftir þjóðhollum og guðræknum forseta Innlent Fleiri fréttir Lokuðu þorpi í leit að svörum um hvarf tveggja ára drengs Átta ára stúlka sú eina sem lifði rútuslys af Voru sérstaklega varaðir við árás frá ISKP Kallaði eftir aðstoð dráttarbáts skömmu fyrir slysið Rafmyntakóngurinn í 25 ára fangelsi Fundu lík tveggja verkamanna sem voru á brúnni Stjórnmálamaðurinn Joe Lieberman látinn Segir árásarmennina hafa ætlað til Belarús Taíland skrefinu nær því að leyfa samkynja hjónabönd Dómararnir virtust efast um réttmæti málsins gegn FDA Skammar lögreglu fyrir að nota lego til að dylja andlit sakborninga Japanskt fyrirtæki skiptir ungbarnableyjum út fyrir fullorðinsbleyjur Þeir sem fóru í ána taldir látnir Sakar Bandaríkjamenn og Breta um aðkomu að árásinni Kenna öryggisráðinu um „galnar“ kröfur Hamas Skipið varð vélarvana rétt áður en það hafnaði á brúnni Segja minnst sjö bíla hafa fallið í ána Assange verður ekki framseldur strax Leita fólks í ánni eftir að brúin hrundi Hverjir eru ISKP? Skæðasti angi Íslamska ríkisins teygir anga sína til Moskvu Strangtrúaðir æfir yfir því að verða mögulega skikkaðir til herþjónustu Brú hrundi eftir árekstur í Baltimore Gerðu húsleit hjá Diddy í Los Angeles og Miami Beinir spjótunum enn að Úkraínu Stórmál fari Ísrael ekki eftir ályktun öryggisráðsins Netanjahú í fýlu við Biden Lækka trygginguna meðan Trump áfrýjar Öryggisráð SÞ samþykkir ályktun um vopnahlé á Gasa Heita hefndum en freista þess enn að bendla Úkraínu við árásina Vísindamenn vilja friðlýsa vísindalega mikilvæg svæði á tunglinu Sjá meira
Miðillinn greinir frá því að samverkamennirnir noti nú peningana til að standa straum af ýmsum útgjöldum fyrir ákærðu, sem eru sagðir búa við nokkurn munað í fangelsunum þar sem þeim er haldið. Þetta er meðal þess sem kemur fram í frétt The Namibian þar sem greint er frá því að verkamenn á landareign David nokkurs Moller hafi komist í feitt þegar þeir fundu stafla af reiðufé niðurgrafna á jörðinni. Moller þessi er sagður viðskiptafélagi James Hatuikulipi, sem er meðal annars fyrrverandi stjórnarformaður ríkisútgerðarinnar Fishcor. Sagan segir að í nóvember síðastliðnum hafi verkamennirnir tekið eftir því hvernig tveir reipisendar stóðu upp úr jörðinni. Þegar betur var að gáð og togað í reipin reyndust þau bundin við skjalatösku fulla af peningum. Samkvæmt The Namibian virðast verkamennirnir hafa stungið einhverju af fénu í vasann og þá er lögreglumaður einnig sakaður um að hafa haft peninga með sér á brott eftir að málið var tilkynnt til yfirvalda. Íbúar tilkynntu grunsamlega eyðslu Landareign Moller liggur að rándýrri jörð sem er sögð í eigu Hatuikulipi og Sacky Shanghala, fyrrverandi dómsmálaráðherra, sem einnig kemur við sögu í Samherjamálinu. Þess ber að geta að það hefur verið kallað „Fishrot-hneykslið“ í namibískum miðlum. Moller er framkvæmdastjóri D&M Construction, sem hann á með Hatuikulipi og athafnamanni að nafni John Walenga, meðal annarra. Lögregluyfirvöld staðfestu í síðustu viku að peningar hefðu fundist á landareign Moller og að málið væri í rannsókn. Þá hefði það verið tilkynnt til þeirra löggæsluaðila sem hafa Samherjamálið til rannsóknar. Lögreglustjórinn Andres Guim sagði að eftir að þeir hefðu fundið fjármunina hefðu nokkrir verkamannanna tekið hluta þeirra og farið að nota féð. „Áður en við mættum á vettvang og fundum það sem var eftir höfðu þeir falið sinn hlut í runnum og fóru svo um nágrennið og eyddu peningunum í sjálfa sig. Þeir létu yfirmann sinn fá hluta þeirra,“ segir Guim. Hann sagði grun uppi um að verkamennirnir hefðu fundið peninga í tveimur holum en önnur hefði verið tóm þegar lögregla mætti á vettvang. Moller ákærður fyrir peningaþvætti Samkvæmt Guim gáfu verkamennirnir fjölskyldu og vinum hluta af fénu en íbúar tilkynntu málið til lögreglu þegar þess varð vart að verkamennirnir voru að eyða stórum fjárhæðum, meðal annars í áfengi. Moller hefur sagt fjármunina sína og meðal annars verið ákærður fyrir peningaþvætti og fyrir að vera með óútskýrðar fjárhæðir í fórum sínum. Þá var yfirmaður verkamannanna handtekinn þegar hann neitaði að gefa upplýsingar um málið. Lögregluyfirvöld hafa vísað þeim sögusögnum á bug að lögreglumaður eða lögreglumenn hafi mætt á vettvang án leitarheimilda og haft fé með sér á brott án þess að geta þess í lögregluskýrslum. Heimildarmenn The Namibian segja „hákarlana“ svokallaða í Fishrot-málinu hafa getað komið peningum undan þar sem þeir hafi verið varaðir við því að þeir væru til rannsóknar vegna spillingar árið 2019. Fjármununum sé nú varið af ættingjum og samverkamönnum til að standa straum af ýmsum útgjöldum þeirra á meðan þeir dvelja í fangelsum. Frétt The Namibian.
Samherjaskjölin Namibía Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Voru sérstaklega varaðir við árás frá ISKP Erlent Ísland að tapa í slagnum um ferðamenn Innlent Lýsisskip strandaði í Fáskrúðsfirði Innlent Átta ára stúlka sú eina sem lifði rútuslys af Erlent Vilja einfalda fólki að komast til sjúkraþjálfara Innlent „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Hætt við framboð og vonast eftir þjóðhollum og guðræknum forseta Innlent Fleiri fréttir Lokuðu þorpi í leit að svörum um hvarf tveggja ára drengs Átta ára stúlka sú eina sem lifði rútuslys af Voru sérstaklega varaðir við árás frá ISKP Kallaði eftir aðstoð dráttarbáts skömmu fyrir slysið Rafmyntakóngurinn í 25 ára fangelsi Fundu lík tveggja verkamanna sem voru á brúnni Stjórnmálamaðurinn Joe Lieberman látinn Segir árásarmennina hafa ætlað til Belarús Taíland skrefinu nær því að leyfa samkynja hjónabönd Dómararnir virtust efast um réttmæti málsins gegn FDA Skammar lögreglu fyrir að nota lego til að dylja andlit sakborninga Japanskt fyrirtæki skiptir ungbarnableyjum út fyrir fullorðinsbleyjur Þeir sem fóru í ána taldir látnir Sakar Bandaríkjamenn og Breta um aðkomu að árásinni Kenna öryggisráðinu um „galnar“ kröfur Hamas Skipið varð vélarvana rétt áður en það hafnaði á brúnni Segja minnst sjö bíla hafa fallið í ána Assange verður ekki framseldur strax Leita fólks í ánni eftir að brúin hrundi Hverjir eru ISKP? Skæðasti angi Íslamska ríkisins teygir anga sína til Moskvu Strangtrúaðir æfir yfir því að verða mögulega skikkaðir til herþjónustu Brú hrundi eftir árekstur í Baltimore Gerðu húsleit hjá Diddy í Los Angeles og Miami Beinir spjótunum enn að Úkraínu Stórmál fari Ísrael ekki eftir ályktun öryggisráðsins Netanjahú í fýlu við Biden Lækka trygginguna meðan Trump áfrýjar Öryggisráð SÞ samþykkir ályktun um vopnahlé á Gasa Heita hefndum en freista þess enn að bendla Úkraínu við árásina Vísindamenn vilja friðlýsa vísindalega mikilvæg svæði á tunglinu Sjá meira