Innlent

Bjarni vonar að almenningur sýni hlutum í Íslandsbanka mikinn áhuga

Heimir Már Pétursson skrifar
Alþingi hefur veitt heimild til að selja allt að 35 prósenta hlut í Íslandsbanka sem er alfarið í eigu ríkisins.
Alþingi hefur veitt heimild til að selja allt að 35 prósenta hlut í Íslandsbanka sem er alfarið í eigu ríkisins. Vísir/Vilhelm

Fjármálaráðherra vonar að almenningur sýni hlutabréfakaupum í Íslandsbanka svipaðan áhuga og í hlutfjárútboði Icelandair í haust. Tryggt verði að ríkið fái viðunandi verð fyrir hlutinn og stærð hlutarins fari eftir áhuga markaðarins.

Bjarni Benediktsson fjármálaráðherra hefur falið Bankasýslunni að halda áfram með söluferli á allt að þrjátíu og fimm prósenta hlut í Íslandsbanka sem er alfarið í eigu ríkisins. Næstu þrír mánuðir fari í að undirbúning, ráðningu ráðgjafa, gerð útboðslýsingar og könnunar á hug fjárfesta. Að því loknu verði lagt mat á hvort skrefið verði stigið til fulls með skráningu bankans á markað í vor.

Bjarni Benediktsson segir ríkið vilja fá gott og sanngjarnt verð fyrir selda hluti í Íslandsbanka og vonar að almenningur sýni hlutabréfunum mikinn áhuga.Stöð 2/Arnar

„Það verður þess vegna ekki fyrr en í maí sem við stöndum í rauninni frammi fyrir endanlegri ákvörðun en við viljum vera tilbúin til að skrá bankann þá. Það þarf að sækja um heimild til að skrá hann og fara í aðrar undirbúningsaðgerðir,“ segir Bjarni.

Það fari eftir áhuga á bréfunum hvort heimild Alþingis til að selja allt að 35 prósent verði fullnýtt. Meira verði selt ef áhuginn reynist mikill en kannski nær 25 prósentum ef það henti betur miðað við markaðsaðstæður. Ríkið vilji fá sanngjarnt og gott verð fyrir hlutinn.

„Ef markaðurinn ætlar ekki að borga það sem okkur finnst vera sanngjarnt þegar allt er tekið með í reikninginn munum við ekki halda áfram með söluna. Þá munum við bíða betri tíma. Þetta er eitt af stóru atriðunum sem þarf að leggja mat á en ég hef ágætis væntningar miðað við markaðsaðstæður almennt og styrk bankans um að við getum fengið sanngjarnt verð,“ segir fjármálaráðherra.

Það væri mjög æskilegt að almenningur eignaðist góðan hlut í bankanum. Að mörk fyrir lágmarkskaup á hlutum verði ekki of há. Í hlutafjárútboði Icelandair í september hafi lágmarkið verið 100 þúsund.

„Ef hundrað þúsund krónur eða eitthvað þar í kring væri mögulegt, væri ekki of kostnaðarsamt og svo framvegis þætti mér það líklegt til að opna útboðið fyrir stærri hópi.“

Almenningur sýndi Icelandair mikinn áhuga. Ertu að vona að það endurtaki sig þarna?

„Já, ég held að það sé mikið heilbrigðismerki að fleiri komi aftur inn á hlutabréfamarkaðinn,”“ sagði Bjarni Benediktsson eftir ríkisstjórnarfund í morgun.


Tengdar fréttir

Hefja sölu­með­ferð á hlutum í Ís­lands­banka

Fjármála- og efnahagsráðherra hefur ákveðið að hefja sölumeðferð á hlutum í Íslandsbanka í samræmi við tillögu Bankasýslu ríkisins þann 17. desember síðastliðinn. Þetta kemur fram í bréfi sem ráðherra sendi Bankasýslunni í dag og greint er frá í tilkynningu á vef stjórnarráðsins nú síðdegis.

Á ríkið að eiga banka eða selja banka ?

Ríkið á að fullu tvo af þremur viðskiptabönkunum, Íslandsbanka og Landsbanka. Ríkið ætlaði í raun aldrei að eiga þessa banka heldur komu þeir í hendur ríkisins í kjölfar bankahrunsins og uppgjör þess. Þar af leiðandi var það aldrei stefna ríkisins að vera ráðandi aðili á fjármálamarkaði.

Vonast eftir aðkomu lífeyrissjóða að Sundabraut

Sigurður Ingi Jóhannsson, samgöngu- og sveitarstjórnarráðherra, mun kynna skýrslu um gerð Sundabrautar og hvernig hægt verði að fara í þær framkvæmdir. Þetta sagði Sigurður í Sprengisandi á Bylgjunni í dag þegar hann var spurður um mögulega aðkomu lífeyrissjóða að stórum samgönguframkvæmdum hér á landi.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.