Fjöldi manns kærður fyrir brot á sóttvarnalögum vegna dansleiks í miðbænum

Sunna Kristín Hilmarsdóttir skrifar 27. janúar 2021 06:21

Lögregla sleit samkomunni og vísaði fólkinu út. Vísir/Vilhelm

Lögreglunni á höfuðborgarsvæðinu barst rétt fyrir klukkan níu í gærkvöldi tilkynning um dansleik í húsnæði við hlið veitingastaðar í miðbæ Reykjavíkur.

Í dagbók lögreglu segir að gestir á dansleiknum hafi farið inn á veitingastaðinn við hliðina á og borið þaðan áfengi og aðrar veitingar yfir á ballið.

Um það bil 25 aðilar voru kærðir fyrir brot á sóttvarnalögum en tuttugu manna samkomubann er nú í gildi.

Auk þess voru veitingastaðurinn og ábyrgðarmaður hans kærðir fyrir brot á áfengislögum, það er að áfengi hafi verið borið út af veitingastað. Samkomunni var slitið og fólkinu vísað út.

Laust eftir klukkan hálffimm í morgun var síðan tilkynnt um eignaspjöll hjá verslun í austurbænum. Þar hafði hurð verið spennt upp baka til í húsinu.

Í dagbók lögreglu segir að tengiliður hafi farið á vettvang og taldi hann að engu hefði verið stolið.

Fréttin hefur verið uppfærð.

Faraldur kórónuveiru (COVID-19) Samkomubann á Íslandi Reykjavík Lögreglumál

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.