Fótbolti

Zidane með veiruna

Sindri Sverrisson skrifar
Zinedine Zidane stýrði Real Madrid síðast á miðvikudaginn, í háðungartapi gegn C-deildarliði í spænska bikarnum.
Zinedine Zidane stýrði Real Madrid síðast á miðvikudaginn, í háðungartapi gegn C-deildarliði í spænska bikarnum. Getty/David S. Bustamante

Zinedine Zidane, þjálfari Spánarmeistara Real Madrid í fótbolta, greindist með jákvætt sýni við sýnatöku vegna COVID-19.

Þetta kom fram í stuttri fréttatilkynningu frá Real Madrid í dag. Ekki kom neitt frekar fram um líðan Zidane eða hvaða afleiðingar þetta hefði í för með sér fyrir liðið og leikmannahópinn.

Real, sem er í 2. sæti spænsku 1. deildarinnar, verður þó að minnsta kosti án þjálfarans annað kvöld ef að liðið mætir þá Alavés eins og til stendur. Liðið á að mæta Levante eftir rúma viku og Huesca 6. febrúar.

Zidane þykir orðinn valtur í sessi sem þjálfari Real en liðið er sjö stigum á eftir grönnum sínum í Atlético Madrid í spænsku deildinni. Atlético á leik til góða. Real tapaði gegn C-deildarliði Alcoyano í spænska bikarnum á miðvikudaginn, eftir að hafa tapað gegn Athletic Bilbao í ofurbikarnum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.