Jói Berg spilaði hálfleik í tapi - Brighton lagði Leeds

Arnar Geir Halldórsson skrifar
Jói Berg í baráttunni í dag.
Jói Berg í baráttunni í dag. vísir/Getty

Tveir leikir fóru fram samtímis klukkan 15 í ensku úrvalsdeildinni í fótbolta í dag.

Jóhann Berg Guðmundsson og félagar í Burnley heimsótti West Ham á Ólympíuleikvanginn í Lundúnum og var Jóhann Berg í byrjunarliði Burnley.

Michail Antonio kom heimamönnum yfir snemma leiks og leiddu þeir í leikhléi. Jóhanni var skipt af velli fyrir Dwight McNeil í leikhléi.

Ekkert mark var skorað í síðari hálfleik og lokatölur því 1-0 fyrir West Ham. 

Sömu lokatölur litu dagsins ljós á Elland Road nema hvað að þar voru það gestirnir sem höfðu betur þar sem Brighton lagði Leeds United að velli.

Neal Maupay gerði eina mark leiksins eftir sautján mínútna leik.

Bein lýsing

Leikirnir




    Velkomin á Vísi. Þessi vefur notar vafrakökur. Sjá nánar.