Umfjöllun: Eyjamenn fyrstir til að vinna Stjörnuna í Garðabænum

ÍBV er aftur komið á topp Pepsi-deildar karla eftir 2-0 útisigur á Stjörnunni í Garðabænum. Þetta var fyrsta tap Stjörnumanna á heimavelli í sumar.

Tryggvi Guðmundsson kom ÍBV yfir með marki strax á fjórðu mínútu og lagði svo upp síðara mark Eyjamanna fyrir varamanninn Denis Sytnik undir lok leiksins.

Tryggvi skoraði með skalla eftir fyrirgjöf Matt Garner úr aukaspyrnu frá hægri kantinum. Eyjamenn voru eftir þetta fyrst um sinn meira með boltann en án þess þó að hafa skapað sér almennilegt færi.

Eftir því sem á leið unnu Stjörnumenn sig betur inn í leikinn og fékk Ellert Hreinsson tvö góð færi á síðasta stundarfjórðungnum. Í bæði skiptin sá Albert Sævarsson, góður markvörður ÍBV, við honum.

Svipað var upp á teningnum í síðari hálfleik. Stjörnumenn voru meira með boltann á meðan að ÍBV beitti skyndisóknum. Heimamenn voru hins vegar óvenju bitlausir í sínum sóknarleik og sterk vörn Eyjamanna sá til þess að þeim tókst að skapa sér fá færi.

Helst var að Daníel Laxdal næði að skora en hann átti skalla yfir markið úr ágætu færi snemma í síðari háflleiknum.

Eyjamenn fengu líka sín færi og átti Finnur Ólafsson fast skot yfir mark heimamanna af vítateigslínunni eftir góða sókn ÍBV.

Það var svo undir lok leiksins að Tryggvi gaf góða stungusendingu inn fyrir vörn Stjörnunnar á varamanninn Denis Sytnik. Hann vippaði boltanum glæsilega yfir Bjarna Þórð í marki Stjörnunnar og gulltryggði þar með sigur ÍBV.

Stjarnan - ÍBV 0-2

0-1 Tryggvi Guðmundsson (4.)

0-2 Denis Sytnik (89.)

Stjörnuvöllur. Áhorfendur: 718.

Dómari: Magnús Þórisson (5)

Skot (á mark): 12-11 (8-5)

Varin skot: Bjarni 3 - Albert 8

Horn: 7-3

Aukaspyrnur fengnar: 16-12

Rangstöður: 4-4

Stjarnan (4-5-1):

Bjarni Þórður Halldórsson 6

Baldvin Sturluson 7

Daníel Laxdal 6

Marel Baldvinsson 6

Jóhann Laxdal 6

Dennis Danry 5

Þorvaldur Árnason 4

(65. Hilmar Þór Hilmarsson 5)

Atli Jóhannsson 5

(77. Tryggvi Bjarnason -)

Halldór Orri Björnsson 5

Steinþór Freyr Þorsteinsson 5

Ellert Hreinsson 4

ÍBV (4-3-3):

Albert Sævarsson 8

James Hurst 7

Eiður Aron Sigurbjörnsson 8 - maður leiksins

Rasmus Christiansen 7

Matt Garner 7

Finnur Ólafsson 7

Tony Mawejje 5

(84. Ásgeir Aron Ásgeirsson -)

Þórarinn Ingi Valdimarsson 6

Eyþór Helgi Birgisson 5

(65. Denis Sytnik 7)

Andri Ólafsson 7

Tryggvi Guðmundsson 8

(90. Yngvi Magnús Borgþórsson -)

Smelltu hér til að opna Boltavaktina og lesa lýsingu leiksins: Stjarnan - ÍBV.