Deyddi börnin vegna fátæktar

Austurrísk kona sem handtekin var í gær grunuð um morð á fjórum nýburum hefur játað á sig morðin. Hún segist hafa deytt þau vegna fátæktar sinnar. Lík barnanna fundust í húsi sem konan býr í í borginni Graz í Austurríki, að því er lögreglan þar í landi greindi frá í dag. Tvö barnanna fundust í frystikistu, eitt var falið í tunnu og það fjórða í bakgarði hússins. Konan, sem er 32 ára gömul, var í kjölfarið handtekin ásamt kærasta sínum. Talið er að börnin hafi fæðst á síðustu þremur árum.