Forsætisráðherra segir sjávarútvegsráðherra hafa sýnt hugrekki

Geir H. Haarde forsætisráðherra segir sjávarútvegsráðherra hafa sýnt hughrekki með því að fara að ráðleggingum fiskifræðinga og lækka veiðiheimildir þorsks á næsta ári um þriðjung.

Sjávarútvegsráðherra tilkynnti á fréttamannafundi í Ráðherrabústaðnum í morgun að aflaregla verði aflögð á næsta fiskveiðiári. Heildarþorskafli verður 130 þúsund tonn og að veiðigjald vegna þorsks verður lagt niður næstu tvö árin.

Minni breytingar verða á hámarksafla annarra tegunda. Til að bæta fæðubúskap þorsksins verða engar sumarveiðar leyfðar á loðnu og loðnuveiðar hefjast því ekki fyrr en í nóvember. Forsætisráðherra segir ríkisstjórnina alla standa á bakvið ákvörðun sjávarútvegsráðherra.

Ríkisstjórnin tilkynnti jafnframt að hún hygðist fara út í ákveðnar mótvægisaðgerðir. Meðal þess sem gert verður er að flýta uppbyggingu í samgöngu- og fjarskiptamálum sem og í mennta og menningarmálum og opinber störf flutt út á land.

Sjávarútvegsráðherra segir fullljóst að ákvörðunin skapar mikinn vanda fyrir sjávarbyggðir í landinu. Ráðherrann segist vonast til að þessi ákvörðun komi til með styrkja þorskstofninn og hægt verði að auka aflaheimildir fljótlega á næstu árum.