Skótískan fer illa með fætur 10. maí 2005 00:01 "Helstu vandamál fólks eru líkþorn, sveppir, niðurgrónar neglur og vörtur," segja Hildur Jakobsdóttir fótaaðgerðafræðingur sem ásamt starfssystur sinni Ólöfu Högnadóttur rekur fótaaðgerðastofu í Spönginni í Grafarvogi. "Svo er ekki síður mikilvægt að veita ráðgjöf varðandi skófatnað og sokka, og meta þörf á innleggjum, en forvarnir eru einmitt mjög mikilvægar í þessu sem öðru." Þær segja þörfina fyrir fótaaðgerðafræðinga mikla og langt í frá að einungis eldra fólk þurfi á þessari þjónustu að halda. "Hér kemur fólk frá tveggja ára aldri og upp í nírætt. Það var meira að segja nýlega hjá okkur níu mánaða barn, en neglur ungbarna eru oft svo þunnar og flatar og vaxa þannig að það þarf að grípa inn í." Meðferð á fótum getur tekið nokkurn tíma þótt stundum sé einn tími nóg. "Líkþorn koma til dæmis eftir álag á fótinn í langan tíma og þau verður að skera af og létta svo álaginu á viðkomandi stað. Inngrónar neglur þarf oft að spengja svo þær geti vaxið eðlilega og allt getur þetta tekið nokkur skipti." Hildur og Ólöf segja skótískuna eins og hún hefur verið undanfarin misseri hræðilega fyrir fæturna. "Támjóir skór fara mjög illa með fæturna, maður getur bara ímyndað sér ef höndunum væri troðið ofan í hanska sem væru svona í laginu hvernig það færi með þær. Um 80% vandamála sem snerta fætur stafa af röngum skófatnaði. Það getur svo undið upp á sig og valdið áframhaldandi vandamálum í ökklum eða hnjám," segir Ólöf. En hvenær er þörf á að leita til fótaaðgerðafræðings? "Fólk hefur tilhneigingu til að vanrækja á sér fæturna. Þeir sem eru aktívir í daglegu lífi þurfa að hugsa vel um fæturna og bara að vera þreyttur í fótunum er næg ástæða til að koma og fá ráðleggingar." Þær stöllur segjast þó verða varar við aukningu, ekki síst þegar vorar. "Þá koma þeir sem sjást ekki reglulega, fólk sem vill hafa flotta fætur í sandalana. En fótaaðgerðir geta skipt sköpum um líðan fólks og ástæða til að hvetja fólk til að láta ekki fæturna mæta afgangi þegar það vill gera vel við sig." Heilsa Mest lesið Messan sem var ekki tímamótaverk – en mig langaði samt til að gráta Gagnrýni Aron segist hættur í ClubDub Lífið Krimmi Elizu Reid á toppnum annan mánuðinn í röð Menning Það allra heitasta í sumarförðuninni Tíska og hönnun Ekki bara tónleikar heldur alhliða þungarokkshátíð Lífið Tíu af fyndnustu dýralífsmyndunum Lífið „Hann var ekkert eðlilega góður í sleik“ Makamál Hvar eru þau nú? Lífið Aron Kristinn og Lára keyptu nýstárlega miðbæjarperlu Lífið Orsakir flösu og áhrifarík meðferð Lífið samstarf Fleiri fréttir Krimmi Elizu Reid á toppnum annan mánuðinn í röð Áslaug Arna, Dóri DNA og Frikki Dór í listapartýi Þjóðin virðist tengja við streituna Birta Sólveig fer með hlutverk Línu Langsokks Emilíana og Víkingur Heiðar meðal tólf tilnefndu Listrænn stjórnandi Bolshoj-ballettsins til margra áratuga látinn Ungfrú Ísland með flestar tilnefningar Stendur fyrir auðmannsgleði í Elliðaárdal Eliza Reid efst á bóksölulistanum Opnaði sumarið með sólríkum stæl Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr Sjá meira
"Helstu vandamál fólks eru líkþorn, sveppir, niðurgrónar neglur og vörtur," segja Hildur Jakobsdóttir fótaaðgerðafræðingur sem ásamt starfssystur sinni Ólöfu Högnadóttur rekur fótaaðgerðastofu í Spönginni í Grafarvogi. "Svo er ekki síður mikilvægt að veita ráðgjöf varðandi skófatnað og sokka, og meta þörf á innleggjum, en forvarnir eru einmitt mjög mikilvægar í þessu sem öðru." Þær segja þörfina fyrir fótaaðgerðafræðinga mikla og langt í frá að einungis eldra fólk þurfi á þessari þjónustu að halda. "Hér kemur fólk frá tveggja ára aldri og upp í nírætt. Það var meira að segja nýlega hjá okkur níu mánaða barn, en neglur ungbarna eru oft svo þunnar og flatar og vaxa þannig að það þarf að grípa inn í." Meðferð á fótum getur tekið nokkurn tíma þótt stundum sé einn tími nóg. "Líkþorn koma til dæmis eftir álag á fótinn í langan tíma og þau verður að skera af og létta svo álaginu á viðkomandi stað. Inngrónar neglur þarf oft að spengja svo þær geti vaxið eðlilega og allt getur þetta tekið nokkur skipti." Hildur og Ólöf segja skótískuna eins og hún hefur verið undanfarin misseri hræðilega fyrir fæturna. "Támjóir skór fara mjög illa með fæturna, maður getur bara ímyndað sér ef höndunum væri troðið ofan í hanska sem væru svona í laginu hvernig það færi með þær. Um 80% vandamála sem snerta fætur stafa af röngum skófatnaði. Það getur svo undið upp á sig og valdið áframhaldandi vandamálum í ökklum eða hnjám," segir Ólöf. En hvenær er þörf á að leita til fótaaðgerðafræðings? "Fólk hefur tilhneigingu til að vanrækja á sér fæturna. Þeir sem eru aktívir í daglegu lífi þurfa að hugsa vel um fæturna og bara að vera þreyttur í fótunum er næg ástæða til að koma og fá ráðleggingar." Þær stöllur segjast þó verða varar við aukningu, ekki síst þegar vorar. "Þá koma þeir sem sjást ekki reglulega, fólk sem vill hafa flotta fætur í sandalana. En fótaaðgerðir geta skipt sköpum um líðan fólks og ástæða til að hvetja fólk til að láta ekki fæturna mæta afgangi þegar það vill gera vel við sig."
Heilsa Mest lesið Messan sem var ekki tímamótaverk – en mig langaði samt til að gráta Gagnrýni Aron segist hættur í ClubDub Lífið Krimmi Elizu Reid á toppnum annan mánuðinn í röð Menning Það allra heitasta í sumarförðuninni Tíska og hönnun Ekki bara tónleikar heldur alhliða þungarokkshátíð Lífið Tíu af fyndnustu dýralífsmyndunum Lífið „Hann var ekkert eðlilega góður í sleik“ Makamál Hvar eru þau nú? Lífið Aron Kristinn og Lára keyptu nýstárlega miðbæjarperlu Lífið Orsakir flösu og áhrifarík meðferð Lífið samstarf Fleiri fréttir Krimmi Elizu Reid á toppnum annan mánuðinn í röð Áslaug Arna, Dóri DNA og Frikki Dór í listapartýi Þjóðin virðist tengja við streituna Birta Sólveig fer með hlutverk Línu Langsokks Emilíana og Víkingur Heiðar meðal tólf tilnefndu Listrænn stjórnandi Bolshoj-ballettsins til margra áratuga látinn Ungfrú Ísland með flestar tilnefningar Stendur fyrir auðmannsgleði í Elliðaárdal Eliza Reid efst á bóksölulistanum Opnaði sumarið með sólríkum stæl Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr Sjá meira