Tveir handteknir vegna sprenginganna í Tælandi

Tveir einstaklingar hafa verið yfirheyrðir vegna sprengingahrinu í Tælandi í vikunni. Fjórir létust og yfir þrjátíu særðust þegar ellefu sprengingar urðu í fimm héruðum í Tælandi á minna en sólarhring.

Enginn hefur lýst yfir ábyrgð á árásunum og það er ekki fyllilega ljóst samkvæmt yfirvöldum í Tælandi hvort þær tengist yfirhöfuð. Nokkrar sprenginganna urðu nærri sjávarþorpum í landinu þar sem efnahagurinn byggir að miklu leyti á ferðamannafjölda. Ekki hefur verið gefin út handtökuskipun á einstaklingana tvo samkvæmt lögreglunni í Tælandi en beðið er eftir dómsúrskurði sem samþykkir að parið verði handtekið.