Halda stjórnarmyndun áfram

Ofbeldið í Írak undanfarna daga mun ekki koma í veg fyrir myndun nýrrar ríkisstjórnar á næstu vikum. Þetta segir Ibrahim al-Jafaari, forsætisráðherra Íraks, sem nú er í opinberri heimsókn í Tyrklandi.

Samkvæmt opinberum tölum hafa nærri fjögur hundruð manns fallið í tugum sprengjuárása síðustu vikuna í Írak. Síðast í gær sauð upp úr eftir sprengjuárás við legstein föðurs Saddams Hússein í Tíkrit. En þrátt fyrir orð Jafaaris virðist ekki mikill sáttartónn í þjóðkjörnum fulltrúum landsins, því að forsetinn Jalal Talabani er æfur yfir heimsókn Jafaaris til Tyrklands. Hann segir forsætisráðherrann engan rétt hafa á að fara í opinberar heimsóknir fyrir hönd þjóðarinnar á meðan ekki hafi formlega verið mynduð ný ríkisstjórn.