Sprenging í neyðarvistun unglinga og ungmenna

Neyðarvistun unglinga og ungmenna á meðferðarheimilinu á Stuðlum fjölgaði mikið í sumar samanborið við sama tíma í fyrra. Ástæðan innlagnar getur verið margþætt en með henni er öryggi þeirra sem hennar þurfa tryggt á meðan að meðferðarúrræði eru ákveðin. Vísbendingar eru um að aukin fíkniefnaneysla sé í þessum hópi í samfélaginu.

Börn og unglingar sem ánetjast fíkniefnum eru mörg hver færð á meðferðarstofnun fyrir unglinga. Í ágústmánuði varð algjör sprenging í neyðarvistun hjá þessum hópi.

Á lokaðri deild geta Barnaverndarnefndir bráðavistað börn á aldrinum 13 - 18 ára og er hámarkstími vistunar 14 dagar. Sum þessara barna sem eru sett í neyðarvistun á Stuðlum hafa leiðst út í áfengis- eða aðra vímuefnaneyslu en innlögnum á þessu ári hefur snarfjölgað þá sérstaklega yfir sumarmánuðina.

„Ein af skýringunum er að sem að ég vona að sé, að barnaverndin sé bara að grípa hraðar og betur inn í mál barna og stoppa þau fyrr af. Þetta kemur alltaf í bylgjum að einhverju leyti og við höfum alveg séð það að þetta fer upp og niður en svona tölur höfum við ekki séð. Þetta er met hjá okkur eins og ágústmánuður,“ segir Funi Sigurðsson, forstöðumaður á Stuðlum.

Í júní, júlí og ágúst á síðasta ári var 41 ungmenni vistað á lokaðri deild í samtals 265 daga en í sumar voru þetta 65 vistanir í samtal 385 daga.

2/3 hluti þeirra sem vistaðir eru á lokaðri deild eru þar vegna fíkniefnaneyslu og miðað við þessar tölur er aukin fíkniefnaneysla unglinga og ungmenna í samfélaginu. Funi segir að aldurshópurinn sem vistaður sé á lokaðri deild sé að hækka en meðal aldur þeirra sem þar eru er í kringlum 16 ár. Í mörgum tilfellum er þetta sami hópurinn en þó eru nýir einstaklingar í hópnum sem eru vistaðir með þessu úrræði. Aðgengi unglinga og ungmenna að fíkniefnum í samfélaginu sé mjög greiður.

„Sumir hverjir hafa verið í talsvert langri neyslu í talsvert langan tíma. Önnur eru rétt á þessum fyrstu stigum og ég vona að sá hópur sem við erum að fá inn núna sé frekar sá hópur. Að það sé verið að grípa fyrr inn í en tilfinningin segir allavega að hluti af þessum hóp sé búinn að vera í talsvert langri neyslu. Þannig að ég sé mjög alvarlegt vandamál,“ segir Funi. Funi segir einnig að bæta megi en frekar úrræði og búið er að leggja til við ráðherra tvær nýjar stofnanir handa þessu hópi, sem báðar séu bráðnauðsynlegar.

 „Það er ekki þannig að það sé fullt á öllum meðferðarstofnunum. Það er fullt hér en ekki á öllum meðferðarstofnunum. Við erum ekki að tala um að nýtingin sé að fullu en ég held að við mættum alveg bæta flóruna,“ segir Funi