Fleiri nýnemar í kennaranámi norðan heiða

Aldrei hafa verið fleiri nýnemar í kennaradeild Háskólans á Akureyri frá því námið varð fimm ára árið 2009. Í haust munu nærri sextíu manns hefja grunnnám í kennarafræðum og er það fjórðungs fjölgun frá síðasta ári.

Í tilkynningu frá Háskólanum á Akureyri segir að fjölgunina megi fyrst og fremst rekja til þess að í fyrsta sinn sé hægt að velja íþróttakjörsvið sem jafnframt er hluti af almennu kennaranámi. 21 nýnemi hefur nám á íþróttakjörsviði í haust. Þar af eru þrettán konur og átta karlar.