Bíó og sjónvarp

Brot meðal 25 bestu sjónvarpsþátta ársins að mati BBC

Elísabet Inga Sigurðardóttir skrifar
Með aðalhlutverk fara Nína Dögg Fillippusdóttir og Björn Thors.
Með aðalhlutverk fara Nína Dögg Fillippusdóttir og Björn Thors. AÐSEND

Íslensku þættirnir Brot eru meðal 25 bestu sjónvarpsþátta ársins að mati menningarvefs BBC.

Þættirnir kallast The Valhalla Murders á ensku og voru birtir á Netflix í byrjun árs.  Þeir voru fyrst sýndir á RÚV í desember á síðasta ári og má sjá stiklu hér að neðan.

Yfir milljón manns horfa á þættina vikulega á Englandi síðan hún var frumsýnd á BBC Four í desember.

Þættirnir fjalla um rannsókn dularfullra morðmála auk þess sem fylgst er náið með einkalífi tveggja rannsóknarlögreglumanna sem stýra rannsókninni.

Þórður Pálsson á hugmyndina að þáttunum og leikstýrir þeim ásamt Davíð Óskari Ólafssyni og Þóru Hilmarsdóttur. Þórður var nýútskrifaður frá The National Film and Television School í Bretlandi þegar hugmyndin að þáttunum kviknaði. Handrit skrifa þau Margrét Örnólfsdóttir, Óttar Norðfjörð, Mikael Torfason og Otto Geir Borg. Þættirnir hlutu styrkveitingu frá Norræna kvikmynda- og sjónvarpssjóðnum en eru fjármagnaðir af Kvikmyndamiðstöð Íslands, RÚV og Netflix.

Með aðalhlutverk fara Nína Dögg Fillipusdóttir og Björn Thors.

Þættirnir kallast The Valhalla Murders á ensku.AÐSEND



Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.