Fótbolti

Liðs­fé­lagi Ara rekinn eftir að hafa haldið partí í út­göngu­banni

Anton Ingi Leifsson skrifar
Fabrice Ondoa í leik með belgíska liðinu gegn Mechelen.
Fabrice Ondoa í leik með belgíska liðinu gegn Mechelen. Nico Vereecken/Getty

Ari Freyr Skúlason leikur með Oostende í belgísku. Nú hefur liðið rekið markvörðinn Fabrice Ondoa eftir partíhöld um síðustu helgi.

Markvörðurinn, sem á þessari leiktíð hefur leikið með varaliði liðsins, hélt um síðustu viku partí en útgöngubann (e. lockdown) ríkir nú í Belgíu.

Forráðamenn Oostende voru eðlilega ekki hrifnir af því og hafa rekið Kamerúnann frá félaginu en þessi 24 ára gamli Ondoa leitar sér nú að nýju félagi.

Ondoa er afar lofandi markvörður en hann hefur spilað 41 A-landsleik fyrir Kamerún þrátt fyrir ungan aldur. Hann spilaði meðal annars allan leikinn í leik Kamerún gegn Japan í október.

Áður var Ondoa í spænska boltanum áður en hann kom til Belgíu. Hann lék meðal annars fyrir unglingalið Barcelona en eins og áður segir þarf hann nú að finna sér nýtt lið eftir partíhöldin um síðustu helgi.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.