Sport

Dóttir Köru Saunders slær í gegn með því að herma eftir mömmu sinni

Óskar Ófeigur Jónsson skrifar
Kara Saunders með dóttur sinni Scotti og eignmanninum.
Kara Saunders með dóttur sinni Scotti og eignmanninum. Instagram/@karasaundo

Ástralska CrossFit stjarnan Kara Saunders er mikil fyrirmynd fyrir þær CrossFit konur sem verða ófrískar og vilja koma til baka inn á keppnisgólfið.

Fylgjendur Köru Saunders hafa séð mikið af Scotti Saunders síðustu mánuði enda þarf Kara að sameina það að vera mamma og atvinnukona í CrossFit.

Kara Saunders eignaðist dótturina Scotti árið 2019 en tryggði sér sæti á heimsleikunum aðeins fimm mánuðum síðar.

Kara Saunders varð í öðru sæti á heimsleikunum 2017 og í fjórða sæti á heimsleikunum 2018. Hún hefur alls komist inn á topp átta á fimm af átta heimsleikum sínum.

Eftir að hafa verið í barneignarfrí 2019 tímabilið náði Kara Saunders fjórtánda besta árangrinum í The Open og tryggði sér sæti á heimsleikunum. Kara endaði síðan í áttunda sæti á heimsleikunum í ár og vantaði bara átta stig til að ná fimmta sætinu af Kari Pearce.

Kara Saunders er auðvitað alltaf að æfa og dóttir hennar fær CrossFit íþróttina beint í æð.

Kara tók upp skemmtilegt myndband eftir eina æfingu sína á dögunum. Dóttir hennar hafði því fylgst vel með gangi mála á æfingunni og tók síðan upp á því að herma eftir mömmu sinni. Hún er aðeins átján mánaða en er heldur betur orðin fær í flestan sjó í líkamsræktarsalnum.

Við Íslendingar getum sum ekki beðið eftir því að hjá Freyju Mist, dóttur Anníe Mist Þórisdóttur og Frederiks Ægidius, fara að reyna að herma eftir foreldrum sínum. Freyja Mist er rúmlega ári yngri en Scotti Saunders.

Hér fyrir neðan má sjá þetta krúttlega myndband með hinni eins og hálfs árs gömlu Scotti Saunders.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.