Alls eru ellefu beinar útsendingar á sportrásunum í dag. Sú fyrsta hefst klukkan 07.00 er útsending frá Golf in Dubai meistaramótinu hefst.
klukkan 09.00 er það svo Opna Suður Afríska einnig á Stöð 2 Golf en Mayakoba Golf Classic sem og Volunteers of America Classic á LPGA túrnum er einnig á dagskránni í dag.
Tottenham kemst í 32-liða úrslit Evrópudeildarinnar með sigri gegn LASK á heimavelli en leikurinn hefst klukkan 17.45. Á sama tíma mætir Íslendingaliðið CSKA Moskvu Wolfsberg á heimavelli.
Í síðari Evrópudeildarleikjunum sýnir Stöð 2 Sport beint frá leik Arsenal og Rapíd Vín annars vegar og hins vegar frá Alberti Guðmundssyni og félögum í AZ Alkmaar gegn Napoli.
Kvöldinu verður svo lokað með Steindi Jr. og félögum í Rauðvíni og klökum en útsending hefst klukkan 21.00 á Stöð 2 eSport.
