Pargo verður á­fram hjá Grinda­vík

Jeremy Pargo spilaði frábærlega á síðasta tímabili þegar hann tryggði Grindvíkingum Íslandsmeistaratitilinn í körfubolta. Eftir úrslitaleikinn lagði hann treyjuna sína á gólfið og var ekki viss hvort að hann myndi halda áfram.

Pargo var ítrekað spurður í viðtölum hvort að þetta væri hans síðasti leikur en hann var ekki viss sjálfur. Í sumar hefur hann þó tekið ákvörðun og í kvöld tilkynnti Grindavík að Pargo verður leikmaður Grindavíkur í eitt ár í viðbót.

Grindavík fékk Pargo til liðs við sig árið 2024 og varð hann strax einn af lykilmönnum félagsins. Á síðasta tímabili var hann valinn mikilvægasti leikmaður úrslitakeppninnar eftir eina bestu frammistöðu í sögu Bónus deildarinnar.

Jeremy Pargo verður fertugur í ár og því ljóst að ekki mikið er eftir af ferlinum hans en samningur Pargo gildir aðeins út tímabilið sem hefst núna í október.