Grát­legt tap hjá Sverri Inga í Hollandi | Leicester City komið á­fram

PAOK missti niður 2-0 forystu gegn PSV í Hollandi í Evrópudeildinni í kvöld. Þá tryggði Leicester City sér sæti í 32-liða úrslitum með marki þegar fimm mínútur voru komnar fram yfir venjulegan leiktíma. 

Öll úrslit kvöldsins í Evrópu deildinni má finna hér að neðan.

Landsliðsmiðvörðurinn Sverrir Ingi Ingason var í hjarta varnar gríska liðsins PAOK er það sótti PSV frá Hollandi heim í Evrópudeildinni í kvöld. Gestirnir byrjuðu frábærlega og leiddu með tveimur mörkum eftir aðeins 13. mínútna leik. Heimamenn náðu að minnka muninn fyrir hálfleik og sneru svo leiknum sér í vil í upphafi síðari hálfleiks.

Tvö mörk á fyrstu átta mínútunum og PSV allt í einu komið 3-2 yfir. PAOK tókst ekki að jafna og lokatölur því 3-2 PSV í vil. Í hinum leik riðilsins vann Granda 2-1 sigur á Omnosia Nicosia og spænska félagið í góðum málum með 10 stig á toppi riðilsins. PSV er með sex og PAOK fimm. Omnosia rekur svo lestina með eitt stig.

Lille og AC Milan gerðu 1-1 jafntefli í Frakklandi. Samu Castillejo kom Milan yfir í upphafi síðari hálfleiks en Jonathan Bamba jafnaði metin á 65. mínútu og þar við sat. Lille sem stendur á toppi H-riðils með átta stig. Milan kemur þar á eftir með sjö og Sparta Prag er í 3. sætinu með sex stig.

Þá bjargaði Jamie Vardy stigi fyrir Leicester City á fimmtu mínútu uppbótartíma er liðið gerði 3-3 jafntefli við Braga í Portúgal. Heimamenn voru 2-1 yfir í hálfleik þökk sé mörkum Mutassim Al Musrati og Paulinho. Harvey Barnes hafði hins vegar skorað fyrir Leicester.

Luke Thomas jafnaði svo metin á 78. mínútu leiksins en í þann mund sem venjulegur leiktími var að renna út þá skoraði Fransergio og hélt hann hefði tryggt Braga stigin þrjú. Allt kom fyrir ekki en Vardy jafnaði rétt áður en uppbótartími leiksins rann út.

Leicester er komið áfram en liðið er á toppi G-riðils með 10 stig þegar tveir leikir eru eftir. Braga er með sjö stig í 2. sæti á meðan AEK og Zorya Luhansk eru bæði með þrjú stig.

Önnur úrslit

CDE Cluj 0-2 Roma

CSKA Sofia 0-1 Young Boys

Dundalk 1-3 Rapid Vín

Bayer Leverkusen 4-1 Hapoel Be´er Sheva

Nice 1-3 Slavia Prag

Rangers 2-2 Benfica

Standard Liége 2-1 Lech Poznan

AEK 0-3 Zorya Luhank

Sparta Prag 4-1 Celtic

Maccabi Tel Aviv 1-1 illareal

Qarabag 2-3 Sivaspor

LASK 0-2 Royal Antwerp

Wolfsberger AC 0-3 Dinamo Zagreb

Gent 0-2 Rauða Stjarnan

Slovan Liberec 0-2 Hoffenheim