Fótbolti

Valdimar skoraði og Alfons lagði upp mark þegar Bodo/Glimt tryggði sér titilinn

Arnar Geir Halldórsson skrifar
Norskur meistari
Norskur meistari

Alfons Sampsted og Valdimar Þór Ingimundarson lögðu sitt af mörkum þegar lið þeirra mættust í norsku úrvalsdeildinni í fótbolta í kvöld.

Alfons var á sínum stað í hægri bakverðinum hjá Bodo/Glimt og lék allan leikinn en Valdimar var á hægri kantinum hjá Stromsgodset og lék einnig allan leikinn. 

Bodo/Glimt komst í 0-2 á fyrstu 12 mínútunum en Alfons lagði upp annað markið.

Forystan hélst þar til á 84.mínútu þegar Valdimar minnkaði muninn eftir undirbúning Mikkel Maigaard, fyrrum leikmanns ÍBV.

Ari Leifsson sat allan tímann á varamannabekk Stromsgodset.

Úrslitin þýða að nú getur ekkert lið náð Bodo/Glimt en liðið hefur haft mikla yfirburði í norsku úrvalsdeildinni á tímabilinu. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.