Guðjón Baldvinsson er genginn í raðir KR á ný. Hann lék síðast með KR 2011 þegar hann varð tvöfaldur meistari með liðinu.
Guðjón, sem er 34 ára, yfirgaf Stjörnuna eftir síðasta tímabil og er nú farinn aftur í KR. Hann skrifaði undir tveggja ára samning við Vesturbæjarstórveldið.
Guðjón Baldvinsson er mættur í KR treyjuna og spilar með okkur næstu 2 árin hið minnsta #allirsemeinn pic.twitter.com/0lFuypExcV
— KR Reykjavik FC (@KRreykjavik) November 11, 2020
Á síðasta tímabili lék Guðjón fjórtán leiki með Stjörnunni í Pepsi Max-deildinni og skoraði fjögur mörk. Hann gekk í raðir Stjörnunnar 2016 eftir nokkura ára dvöl í atvinnumennsku.
Guðjón lék fyrst með KR tímabilið 2008 og varð þá bikarmeistari með liðinu. Hann sneri aftur í Vesturbæinn 2010 og lék með KR næstu tvö ár. Guðjón lék alls 54 deildarleiki með KR og skoraði 27 mörk.
Guðjón endurnýjar nú kynnin við Rúnar Kristinsson sem þjálfaði hann í KR 2010 og 2011. Síðara tímabilið vann KR tvöfalt eins og áður sagði.
Auk Guðjóns hefur KR fengið Grétar Snæ Gunnarsson frá Fjölni.
KR endaði í 5. sæti Pepsi Max-deildarinnar á síðasta tímabili og verður þ.a.l. ekki með í Evrópukeppni á næsta ári.
