Erlent

Sandu hlaut flest at­kvæði en þörf á annarri um­ferð

Atli Ísleifsson skrifar
Maia Sandu gegndi embætti forsætisráðherra á síðasta ári.
Maia Sandu gegndi embætti forsætisráðherra á síðasta ári. Getty

Maia Sandu, leiðtogi stjórnarandstöðunnar í Moldóvu, hlaut flest atkvæði í forsetakosningunum í landinu sem fram fóru í landinu í gær. 

Hlaut Sandu fleiri atkvæði en sitjandi forseti, Igor Dodon, en þar sem enginn hlaut hreinan meirihluta þarf að grípa til annarrar umferðar sem fram að tveimur vikum liðnum.

Igor Dodon og kona hans Galina.Getty

Sandu, sem er talar fyrir aukinni samvinnu við Evrópu, hlaut 36,1 prósent atkvæða, en Dodon, sem talar fyrir nánum tengslum við Rússland, hlaut 32,7 prósent atkvæða.

Hin 48 ára Sandu gegndi embætti forsætisráðherra landsins í um hálft ár á síðasta ári, en áður hafði hún til dæmis gegnt embætti menntamálaráðherra. 

Hinn 45 ára Dodon hefur gegnt embætti forseta frá árinu 2016.

Alls voru 3,2 milljónir manna á kjörskrá, en kosið var milli átta frambjóðenda.

Moldóva
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið