Handboltastúlka komin í heiminn

Landsliðskonan Karen Knútsdóttir og Þorgrímur Smári Ólafsson eignuðust sitt fyrsta barn um helgina. Frá þessu greinir Þorgrímur á Instagram.

Þar segir hann:

„Gleðitárin streymdu niður kinnarnar þegar þess fallega unga dama lét loksins sjá sig 26. september kl. 04:56. Karen stóð sig með stakri prýði og var aðdáunarvert að sjá þennan kraft eftir tveggja daga fæðingu,“ segir stoltur faðir.

„Litla stelpan virðist vera í topp málum. Það verður yndislegt að takast á við nýtt hlutverk og sjá hana vaxa úr grasi. Pabbi mun elska þig um ókomna tíð.“

Karen Knútsdóttir er leikmaður Fram í Olís-deild kvenna og Þorgrímur er einnig leikmaður sama félags í Olís-deild karla.