Derby rúllaði yfir Blackburn

Derby er fimm stigum frá umspilssæti í ensku B-deildinni í fótbolta eftir öruggan 3-0 sigur gegn Blackburn á heimavelli í dag.

Derby er með 51 stig í 12. sæti en Preston situr í 6. sæti með 56 stig. Liðin í 3.-6. sæti fara í umspil um sæti í úrvalsdeildinni. Níu umferðir eru eftir af deildinni. Blackburn er hins vegar í 10. sæti með 53 stig.

Derby komst yfir með marki frá Louie Sibley á 25. mínútu en Chris Martin bætti við hinum tveimur mörkunum, því seinna úr víti á 85. mínútu. Blackburn missti svo John Buckley af velli með rautt spjald í lokin.