Fótbolti

Selma Líf í markið hjá Napoli

Sindri Sverrisson skrifar
Selma Líf Hlífardóttir er boðin velkomin til Napoli.
Selma Líf Hlífardóttir er boðin velkomin til Napoli. Instagram/@napolifemminile

Selma Líf Hlífardóttir er gengin í raðir Napoli og verður hjá ítalska knattspyrnufélaginu næstu fjóra mánuðina.

Selma Líf, sem er 22 ára gamall markvörður, kemur til Napoli eftir að hafa síðast verið hjá Haukum en hún hefur einnig leikið með Aftureldingu og Breiðabliki hér á landi. Hún á að baki fjóra leiki fyrir yngri landslið Íslands.

Napoli er á toppi ítölsku B-deildarinnar og á góðri leið í átt að efstu deild þegar 13 umferðum er lokið af 22. Liðið er tveimur stigum á undan Lazio og fjórum á undan San Marino Academy sem er í 3. sæti.




Fleiri fréttir

Sjá meira


×