Þreytist aldrei á endurteknum sögum Emilíönu Torrini Kolbeinn Tumi Daðason skrifar 31. janúar 2020 14:00 Hafliði Breiðfjörð, stofnandi og framkvæmdastjóri vefsíðunnar Fótbolti.net, á Triumph Herald bíl sínum sem hann rúntar um á sumrin. Vísir/Vilhelm Hafliði Breiðfjörð, framkvæmdastjóri Fótbolta.net, er líklega einhver mesti aðdáandi söngkonunnar Emilíönu Torrini. Í það minnsta sé miðað við mætingu hans á tónleikaröðina Af fingrum fram þar sem Jón Ólafsson fær til sín góða gesti úr tónlistarheiminum. Emilíana mætti til Jóns í Salinn í Kópavogi í gærkvöldi - í sjötta skiptið eftir því sem fréttastofa kemst næst. Hafliði hefur mætt í fjögur af þessum skiptum. „Þetta er eiginlega bara tilviljun,“ segir Hafliði hlæjandi við Vísi. Emilíana Torrini flutti til Íslands fyrir sex til sjö árum eftir tvo áratugi erlendis.Martijn van de Streek Emilíana mætti þrisvar til Jóns í Salinn í Kópavogi veturinn 2018 til 2019. Þau tróðu upp um páskana 2019 í Hofi á Akureyri áður en Emilíana mætti aftur í Salinn í september síðastliðnum. Enn var þéttsetinn bekkurinn í gærkvöldi þegar hún fór yfir ferilinn í máli og söng. „Fyrst fór ég bara af því að mig langaði geðveikt að sjá þessa tónleika. Heyra hana syngja gömlu lögin sem hún syngur almennt ekki. Hún hefur eiginlega ekkert sungið þau síðan hún flutti út fyrir rúmlega tuttugu árum síðan,“ segir Hafliði. Fram kom á tónleikunum í gær að Emilíana og Jón unnu mikið saman áður en Emilíana fór út í hinn stóra heim. Hann var tónlistarstjóri þegar hún lék í Hárinu og hvatti hana til dáða þegar hún hafði tekið sér hlutverk í bakröddum í hljómsveit nokkurri. Hann þóttist sjá að mikið bjó í Emilíönu. Þau náðu vel saman á sviðinu. Emilíana tók að sjálfsögðu Sunny Road í Salnum í gær. Hafliði segist næst hafa verið staddur á Akureyri um páskana í fyrra. „Við vorum að spá hvað við ættum að gera og sáum að það voru tónleikar í Hofi, sama sería. Við fórum á tónleikana og sátum á fyrsta bekk. Það var mjög gaman.“ Svo virðist sem áhugi Hafliða á tónlist Emilíönu hafi spurst út. Í það minnsta hefur hann ekki þurft að borga fyrir miða á síðustu tvenna tónleika. Í haust og svo í gærkvöldi. „Hin skiptin hefur mér verið boðið. Það vita allir að ég er aðdáandi. Ég sagði já takk og mætti.“ View this post on Instagram #4 Ég er í raun orðinn eins og Óttar Felix sem sá bítlamyndina 30 sinnum því ég er að sjá Emilíönu Torrini á Af fingrum fram tónleikaröðinni í fjórða sinn í kvöld. Alltaf geggjað A post shared by Hafliði Breiðfjörð (@haflidibg) on Jan 30, 2020 at 1:39pm PST Hann segir aðdáun sína líklega hafa byrjað á táningsárum. Hafliði er fæddur 1976 en Emilíana ári síðar. Meðal þess sem Emilíana sagði frá í gærkvöldi var metnaðarfull aðferð hennar til að selja plötur á þeim tíma í Skífunni í Kringlunni. Hún réð sig til starfa með það að markmiði að greiða fyrir sölu á eigin plötu. Lýsti hún á mjög kostulegan hátt hvernig hún færði plötuna sína framar í rekkann og mælti með plötunni. Bauðst til að árita hana. „Svo var ég rekin eftir jólin,“ sagði Emilíana og salurinn sprakk. Að neðan má sjá skemmtilega klippu úr þættinum Loga í beinni þar sem rifjaðir voru upp taktar átján ára Emilíönu Torrini úr sjónvarpi. Hafliði segir stemmninguna á tónleikum gærkvöldsins hafa verið sérstaklega afslappaða. Þau Jón sem höfðu Stefán Magnússon gítarleikara og Róbert Þórhallsson bassaleikara sér til halds og trausts náðu sérstaklega vel saman. Prógrammið greinilega slípast vel til. „Þetta var bara eins og sunnudagur við píanóið,“ segir Hafliði og getur undirritaður, sem sömuleiðis var staddur í Salnum, tekið undir það. Emilíana hefur raunar einstakt lag á því að tala lágt, segja sögur með einhvers konar látlausum tilþrifum svo áhorfendur hrífast með. Af fingrum fram er langt í frá eini vettvangurinn sem Hafliði hefur notið tóna Emilíönu. Hann sótti meira að segja tónleika hennar í Moskvu þann 15. júní 2018 þar sem hún söng með hljómsveitinni The Colorist. Emilíana ásamt The Colorist í Moskvu í júní 2018. Hún gerði alla meðlimi sveitarinnar að hörðum stuðningsmönnum íslenska karlalandsliðsins í knattspyrnu. Þá var Hafliði staddur í rússnesku höfuðborginni til að fjalla um gengi karlalandsliðsins í knattspyrnu sem náði degi síðar fræknu jafntefli við Argentínu. Emilíana missti reyndar af leiknum. Hún var með aðra tónleika í Stuttgart. „Ég grét með sárum ekka, í alvörunni, þegar þetta var dramatískur grátur,“ sagði Emilíana í viðtali við Vísi á þeim tíma. Emilíana fór um víðan völl í gærkvöldi. Hvort sem var á tónlistarferlinum, ástarlífinu eða þá staðreynd að hún væri komin með teina á efri tennurnar. Eitthvað sem Jón gerði mikið grín að og Emilíana sjálf líka. Þetta væri fyrsta lýtaaðgerðin hennar, sagði söngkonan og hló. Eins og svo oftur í gærkvöldi hló salurinn með. Hafliði segist vissulega vera búinn að heyra sömu áhugaverðu sögurnar úr smiðju Jóns og Emilíönu fjórum sinnum. Hann verði samt aldrei þreyttur á sögunum. Aðspurður hvort ekki sé líklegt að hann verði mættur næst þegar Jón og Emilíana leiða saman hesta sína segir Hafliði hlæjandi: „Ef þú býður mér!“ Emilíana tekur Animal Games á Hlustendaverðlaunum 2014. Kópavogur Tónlist Tengdar fréttir Emiliana Torrini og Rowan gengu í það heilaga Söngkonan vinsæla Emiliana Torrini og Rowan Patrick Robinson Cain gengu í það heilaga þann 23.júlí síðastliðinn. Þetta kemur fram í Lögbirtingarblaðinu. 6. september 2019 10:30 Ekkasog Emilíönu sem er mætt til Moskvu en missir af leiknum Emilíana Torrini elskar HM, er mætt til höfuðborgar Rússlands en flýgur þaðan í nótt. 15. júní 2018 15:30 Mest lesið „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið Strangheiðarleg dreifbýlistútta og lopapeysan í uppáhaldi Tíska og hönnun Trúlofuðust á gjörgæslunni eftir bílslys á Íslandi Lífið Fréttatía vikunnar: Þyrlur, forsetaframbjóðendur og skemmdarverk Lífið Hvetur fólk til að nota sólarvörn eftir krabbameinsgreiningu Lífið Mynd ársins af palestínskum flóttamanni Lífið Milljónir hafa horft á stikluna fyrir Snertingu Lífið Karl konungur snýr aftur úr veikindaleyfi Lífið Ellý snýr aftur vegna fjölda áskorana Lífið Fleiri fréttir Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Sjá meira
Hafliði Breiðfjörð, framkvæmdastjóri Fótbolta.net, er líklega einhver mesti aðdáandi söngkonunnar Emilíönu Torrini. Í það minnsta sé miðað við mætingu hans á tónleikaröðina Af fingrum fram þar sem Jón Ólafsson fær til sín góða gesti úr tónlistarheiminum. Emilíana mætti til Jóns í Salinn í Kópavogi í gærkvöldi - í sjötta skiptið eftir því sem fréttastofa kemst næst. Hafliði hefur mætt í fjögur af þessum skiptum. „Þetta er eiginlega bara tilviljun,“ segir Hafliði hlæjandi við Vísi. Emilíana Torrini flutti til Íslands fyrir sex til sjö árum eftir tvo áratugi erlendis.Martijn van de Streek Emilíana mætti þrisvar til Jóns í Salinn í Kópavogi veturinn 2018 til 2019. Þau tróðu upp um páskana 2019 í Hofi á Akureyri áður en Emilíana mætti aftur í Salinn í september síðastliðnum. Enn var þéttsetinn bekkurinn í gærkvöldi þegar hún fór yfir ferilinn í máli og söng. „Fyrst fór ég bara af því að mig langaði geðveikt að sjá þessa tónleika. Heyra hana syngja gömlu lögin sem hún syngur almennt ekki. Hún hefur eiginlega ekkert sungið þau síðan hún flutti út fyrir rúmlega tuttugu árum síðan,“ segir Hafliði. Fram kom á tónleikunum í gær að Emilíana og Jón unnu mikið saman áður en Emilíana fór út í hinn stóra heim. Hann var tónlistarstjóri þegar hún lék í Hárinu og hvatti hana til dáða þegar hún hafði tekið sér hlutverk í bakröddum í hljómsveit nokkurri. Hann þóttist sjá að mikið bjó í Emilíönu. Þau náðu vel saman á sviðinu. Emilíana tók að sjálfsögðu Sunny Road í Salnum í gær. Hafliði segist næst hafa verið staddur á Akureyri um páskana í fyrra. „Við vorum að spá hvað við ættum að gera og sáum að það voru tónleikar í Hofi, sama sería. Við fórum á tónleikana og sátum á fyrsta bekk. Það var mjög gaman.“ Svo virðist sem áhugi Hafliða á tónlist Emilíönu hafi spurst út. Í það minnsta hefur hann ekki þurft að borga fyrir miða á síðustu tvenna tónleika. Í haust og svo í gærkvöldi. „Hin skiptin hefur mér verið boðið. Það vita allir að ég er aðdáandi. Ég sagði já takk og mætti.“ View this post on Instagram #4 Ég er í raun orðinn eins og Óttar Felix sem sá bítlamyndina 30 sinnum því ég er að sjá Emilíönu Torrini á Af fingrum fram tónleikaröðinni í fjórða sinn í kvöld. Alltaf geggjað A post shared by Hafliði Breiðfjörð (@haflidibg) on Jan 30, 2020 at 1:39pm PST Hann segir aðdáun sína líklega hafa byrjað á táningsárum. Hafliði er fæddur 1976 en Emilíana ári síðar. Meðal þess sem Emilíana sagði frá í gærkvöldi var metnaðarfull aðferð hennar til að selja plötur á þeim tíma í Skífunni í Kringlunni. Hún réð sig til starfa með það að markmiði að greiða fyrir sölu á eigin plötu. Lýsti hún á mjög kostulegan hátt hvernig hún færði plötuna sína framar í rekkann og mælti með plötunni. Bauðst til að árita hana. „Svo var ég rekin eftir jólin,“ sagði Emilíana og salurinn sprakk. Að neðan má sjá skemmtilega klippu úr þættinum Loga í beinni þar sem rifjaðir voru upp taktar átján ára Emilíönu Torrini úr sjónvarpi. Hafliði segir stemmninguna á tónleikum gærkvöldsins hafa verið sérstaklega afslappaða. Þau Jón sem höfðu Stefán Magnússon gítarleikara og Róbert Þórhallsson bassaleikara sér til halds og trausts náðu sérstaklega vel saman. Prógrammið greinilega slípast vel til. „Þetta var bara eins og sunnudagur við píanóið,“ segir Hafliði og getur undirritaður, sem sömuleiðis var staddur í Salnum, tekið undir það. Emilíana hefur raunar einstakt lag á því að tala lágt, segja sögur með einhvers konar látlausum tilþrifum svo áhorfendur hrífast með. Af fingrum fram er langt í frá eini vettvangurinn sem Hafliði hefur notið tóna Emilíönu. Hann sótti meira að segja tónleika hennar í Moskvu þann 15. júní 2018 þar sem hún söng með hljómsveitinni The Colorist. Emilíana ásamt The Colorist í Moskvu í júní 2018. Hún gerði alla meðlimi sveitarinnar að hörðum stuðningsmönnum íslenska karlalandsliðsins í knattspyrnu. Þá var Hafliði staddur í rússnesku höfuðborginni til að fjalla um gengi karlalandsliðsins í knattspyrnu sem náði degi síðar fræknu jafntefli við Argentínu. Emilíana missti reyndar af leiknum. Hún var með aðra tónleika í Stuttgart. „Ég grét með sárum ekka, í alvörunni, þegar þetta var dramatískur grátur,“ sagði Emilíana í viðtali við Vísi á þeim tíma. Emilíana fór um víðan völl í gærkvöldi. Hvort sem var á tónlistarferlinum, ástarlífinu eða þá staðreynd að hún væri komin með teina á efri tennurnar. Eitthvað sem Jón gerði mikið grín að og Emilíana sjálf líka. Þetta væri fyrsta lýtaaðgerðin hennar, sagði söngkonan og hló. Eins og svo oftur í gærkvöldi hló salurinn með. Hafliði segist vissulega vera búinn að heyra sömu áhugaverðu sögurnar úr smiðju Jóns og Emilíönu fjórum sinnum. Hann verði samt aldrei þreyttur á sögunum. Aðspurður hvort ekki sé líklegt að hann verði mættur næst þegar Jón og Emilíana leiða saman hesta sína segir Hafliði hlæjandi: „Ef þú býður mér!“ Emilíana tekur Animal Games á Hlustendaverðlaunum 2014.
Kópavogur Tónlist Tengdar fréttir Emiliana Torrini og Rowan gengu í það heilaga Söngkonan vinsæla Emiliana Torrini og Rowan Patrick Robinson Cain gengu í það heilaga þann 23.júlí síðastliðinn. Þetta kemur fram í Lögbirtingarblaðinu. 6. september 2019 10:30 Ekkasog Emilíönu sem er mætt til Moskvu en missir af leiknum Emilíana Torrini elskar HM, er mætt til höfuðborgar Rússlands en flýgur þaðan í nótt. 15. júní 2018 15:30 Mest lesið „Það er einmanalegt að missa móður“ Lífið Ætlar hvorki að hætta að vinna né opna kaffihús Lífið Strangheiðarleg dreifbýlistútta og lopapeysan í uppáhaldi Tíska og hönnun Trúlofuðust á gjörgæslunni eftir bílslys á Íslandi Lífið Fréttatía vikunnar: Þyrlur, forsetaframbjóðendur og skemmdarverk Lífið Hvetur fólk til að nota sólarvörn eftir krabbameinsgreiningu Lífið Mynd ársins af palestínskum flóttamanni Lífið Milljónir hafa horft á stikluna fyrir Snertingu Lífið Karl konungur snýr aftur úr veikindaleyfi Lífið Ellý snýr aftur vegna fjölda áskorana Lífið Fleiri fréttir Hvetur fólk til að nota sólarvörn eftir krabbameinsgreiningu Metmæting á tískusýningu útskriftarnema LHÍ Mynd ársins af palestínskum flóttamanni Ætlar hvorki að hætta að vinna né opna kaffihús Milljónir hafa horft á stikluna fyrir Snertingu Karl konungur snýr aftur úr veikindaleyfi Fréttatía vikunnar: Þyrlur, forsetaframbjóðendur og skemmdarverk „Það er einmanalegt að missa móður“ Trúlofuðust á gjörgæslunni eftir bílslys á Íslandi Ellý snýr aftur vegna fjölda áskorana Ætlað að auka umræðu og sýnileika leiðsöguhunda Nýtt upphaf Margrétar: „Búin að heita þessu nafni í rúma viku“ Borgarstjóri og frú tóku veislustjórnina að sér Fágæt og falleg eign við Flókagötu Aron passaði varla inn í bílinn Nefnd í höfuðið á tveimur mikilvægum konum í lífi þeirra Grínari selur íbúð í Vesturbænum Sophia Bush kemur út úr skápnum „Hann var langt á undan sinni samtíð“ Will Smith hrifinn af akureyrsku hjartaljósunum Ebba Katrín valin bæjarlistamaður Hafnarfjarðar Logi Geirs og Inga Tinna eiga von á barni Varð móðir sextán ára Heyrt kjaftasögurnar um eldri mennina sem stýri henni Japaninn sló heimsmet í Hlíðarfjalli Lekker hæð listakonu til sölu „Stundum finnst mér ég getað sigrað heiminn“ Svakalegasta atvinnuumsókn sem sést hefur á FM957 Vöknuðu fyrir allar aldir til að gera aðra atlögu Björgólfur og Skúli í stuði í Feneyjum Sjá meira
Emiliana Torrini og Rowan gengu í það heilaga Söngkonan vinsæla Emiliana Torrini og Rowan Patrick Robinson Cain gengu í það heilaga þann 23.júlí síðastliðinn. Þetta kemur fram í Lögbirtingarblaðinu. 6. september 2019 10:30
Ekkasog Emilíönu sem er mætt til Moskvu en missir af leiknum Emilíana Torrini elskar HM, er mætt til höfuðborgar Rússlands en flýgur þaðan í nótt. 15. júní 2018 15:30