Enski boltinn

Klopp, Bielsa og Emma best

Anton Ingi Leifsson skrifar
Jürgen Klopp hefur náð stórkostlegum árangri sem knattspyrnustjóri Liverpool.
Jürgen Klopp hefur náð stórkostlegum árangri sem knattspyrnustjóri Liverpool. VÍSIR/GETTY

Jurgen Klopp, Emma Hayes og Marcelo Bielsa voru verðlaunuð af þjálfarafélaginu á Englandi er nýyfirstaðin leiktíð var gerð upp í kvöld.

Þjálfarar í deildarkeppninni á Englandi kjósa um þann besta í efstu deildum karla og kvenna sem og 1. deild karla, Championship-deildinni.

Klopp var valinn þjálfari ársins í deildunum á Englandi en eftir verðlaunin sagðist sá þýski vera himinlifandi með verðlaunin.

Bielsa var valinn bestur í ensku B-deildinni en hann skilaði Leeds upp í efstu deild. Slaven Bilic hjá WBA, Paul Cook hjá Wigan og Thomas Frank hjá Brentford voru aðrir sem komu til greina.

Í ensku kvennadeildinni var það svo Emma Hayes sem var valin best. Hún þjálfar lið Chelsea sem varð enskur meistari.




Fleiri fréttir

Sjá meira


×