Matic skrifar undir nýjan þriggja ára samning við Man Utd

Serbneski miðjumaðurinn Nemanja Matic hefur framlengt samning sinn við Manchester United og skrifað undir nýjan þriggja ára samning. Matic hefur verið fastamaður í byrjunarliði Manchester United undanfarið með þeim Bruno Fernandes og Paul Pogba á miðjunni.

Þessi 31 árs gamli leikmaður kom til United frá Chelsea árið 2017 og átti samningur hans að renna út næsta sumar en hann hefur nú framlengt dvöl sína í Manchester til ársins 2023 í það minnsta.

,,Sem leikmaður á ég enn mikið inni og margt sem ég á eftir að afreka á mínum ferli. Að gera það með Manchester United væri mér mikill heiður. Það er mjög spennandi að vera hluti af þessu liði, við erum með góða blöndu af ungum leikmönnum og reynslu,‘‘ sagði Matic.