Manchester United væri á toppnum hefði tímabilið byrjað þegar Fernandes var keyptur | Arsenal í þriðja sæti

Portúgalinn Bruno Fernandes kom til Manchester United í janúar frá Sporting Lissabon í heimalandinu. Hann hefur farið á kostum með Rauðu djöflunum síðan þá og skorað fimm mörk og lagt upp þrjú í átta leikjum.

Planet Football birtir stöðutöfluna í ensku úrvalsdeildinni ef einungis eru tekin með stig frá því Bruno spilaði sinn fyrsta leik fyrir United. Þá væru Rauðu djöflarnir efstir á markatölu en Úlfarnir í öðru sæti með jafnmörg stig, eða 18 stig. 

Athygli vekur að Arsenal væri í þriðja sæti og Liverpool í því fjórða, bæði með 16 stig, en Manchester City væri í fimmta sæti með stigi minna.

Jose Mourinho og lærisveinar í Tottenham væru í 12. sæti á meðan Brendan Rodgers og Leicester væru í 15. sæti með einungis sjö stig. 

1. Man Utd – 18

2. Wolves – 18

3. Arsenal – 16

4. Liverpool – 16

5. Man City – 15

6. Burnley – 15

7. Chelsea – 14

8. Everton – 14

9. Sheff Utd – 14 

10. Newcastle – 12

11. Crystal Palace – 12

12. Tottenham – 11

13. Southampton – 9

14. Brighton – 8

15. Leicester – 7

16. West Ham – 7

17. Watford – 5

18. Bournemouth – 4

19. Norwich – 4

 20. Aston Villa – 2