Fyrrum leik­maður Liver­pool skýtur á Man. United: „Við höfum farið á­fram en þið aftur á bak“

Jermaine Pennant, fyrrum leikmaður Liverpol og Arsenal meðal annars, segir að á meðan Liverpool hafi orðið betra og betra síðustu árin hafi erkifjendur þeirra í Manchester United farið aftur á bak.

Pennant var á mála hjá Liverpool á árunum 2006 til 2009 en lék þó einungis 55 leiki á þeim tíma hjá félaginu. Hann ber þó enn taugar til félagsins og fór mikinn á samfélagsmiðlum í gær eftir Englandsmeistaratitil Liverpool.

„Af hverju eru allir þessir stuðningsmenn Man. United svo bitrir? Sjáiði bara síðan Fergie fór þá hafi þið verið mílum á eftir,“ skrifaði Pennant í tístinu í gær.

„Við höfum bætt við Meistaradeildinni, heimsmeistarakeppni félagsliða, Ofurbikarnum og nú ensku úrvalsdeildinni. Við höfum farið áfram á meðan þið hafið farið aftur á bak.“