Glassmann hættur sem stjóri CrossFit en ræður samt öllu ennþá

Greg Glassman, stofnandi og eigandi CrossFit, hefur ákveðið að hætta afskiptum sínum af CrossFit samtökunum. Þetta gaf hann út með tilkynningu á samfélagsmiðlum CrossFit í nótt.

„Ég er hættur sem framkvæmdastjóri CrossFit og hef ákveðið að draga mig í hlé. Á laugardaginn bjó ég til gjá í CrossFit samfélaginu og óaðvitnandi særði ég marga meðlimi þess. Síðan að ég stofnaði CrossFit fyrir tuttugu árum síðan þá hefur það orðið að stærstu keðju líkamsræktarstöðva í heiminum. Allar þessar stöðvar eru að bjóða upp á glæsilega lausn í baráttunni við þrálátan sjúkdóm. Það var ánægjulegt verk að búa til CrossFit og styðja síðan við hlutdeildarfélögin og allan hópinn,“ skrifaði Greg Glassman meðal annars.

Greg Glassman er ekki lengur framkvæmdastjóri CrossFit en hann er ennþá eigandi og er því með öll völd ennþá.

„Þau sem þekkja mig vita vel að aðalmálið hjá mér er faraldurinn sem er þessi þráðláti sjúkdómur. Ég veit að CrossFit er lausnin við þessum faraldri og ég veit að höfuðstöðvar CrossFit og starfsmenn þeirra hafa skyldur við allar CrossFit stöðvar heims. Ég get ekki látið mína hegðun stand í vegi fyrir því samstarfi eða að markmiðin náist. Þessi verkefni eru of mikilvæg til að stofna þeim í hættu,“ skrifaði Greg Glassman.

Glassman tók sem dæmi aftur framkvæmdastjórastöðuna hjá CrossFit fyrir aðeins níu mánuðum síðan eins og blaðamaður Mourning Chalk up benti á. Það kom heldur ekki fram í þessari tilkynningu að hann hafi gefið eftir eitthvað af sínum hundrað prósent eignarhluti í CrossFit.

Það lítur því ekki út fyrir að margt hafi breyst og það þarf að koma betur í ljós hvernig CrossFit samfélagið tekur þessu útspili hans.

Samkvæmt heimildum Morning Chalk Up mun Dave Castro taka við stöðu framkvæmdastjór CrossFit en hversu mikil breyting er það eins og sjá má hér fyrir neðan.