Innlent

Leit að skipverjanum heldur áfram í dag

Vésteinn Örn Pétursson skrifar
Skip á vegum Vopna, björgunarsveitarinnar á Vopnafirði.
Skip á vegum Vopna, björgunarsveitarinnar á Vopnafirði. Vísir/Vilhelm

Leitin að Axel Jósefssyni Zarioh, skipverja sem talinn er hafa fallið fyrir borð fiskiskips í Vopnafirði á mánudag hélt áfram klukkan um 9:30 í morgun. Síðast var leitað á föstudag, en ekki var hægt að leita í gær sökum slæmra veðurskilyrða.

Um 90 björgunarsveitarmenn taka þátt í leitinni og koma frá björgunarsveitum allt frá Djúpavogi til Akureyrar. Bæði verður leitað á sjó og landi. Fjörur verða gengnar og einnig verður notast við flugdróna við leitina. Þetta kemur fram í tilkynningu frá lögreglunni á Austurlandi.

Ef veðurspár ganga eftir má búast við að leitarskilyrði versni eftir því sem líður á daginn. Leit dagsins mun halda áfram eins lengi og veður leyfir, en hún verður skipulögð út frá aðstæðum hverju sinni.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×