Bayern hefur æfingar í dag

Leikmenn Bayern Munich snúa aftur til æfinga í dag, þó aðeins í fámennum hópum. Er þetta í samræmi við þau viðmið sem þýska knattspyrnusambandið setti en lið máttu byrja æfa í gær, sunnudaginn 5. apríl.

Verða þetta fyrstu æfingar Bayern síðan þýsku úrvalsdeildinni var frestað þann 13. mars vegna kórónuveirunnar.

„Leikmenn aðalliðs Bayern Munich munu snúa aftur til æfinga frá og með mánudeginum 6. apríl í fámennum hópum. Er þetta gert í samráði við yfirvöld. Öllum hreinlætiskröfum verður að sjálfsögðu fylgt eftir,“ segir í yfirlýsingu frá félaginu.

„Enginn utanaðkomandi fær að fylgjast með æfingum. Félagið biður stuðningsmenn sýna um að virða reglurnar sem eru í gildi og þar með vinsamlegast að koma ekki og fylgjast með æfingum leikmanna.“

The Guardian greindi frá.