Nick Stahl fundinn

Leikarinn Nick Stahl er kominn í leitirnar. Eins og Fréttablaðið greindi frá á laugardag hafði ekkert spurst til Stahl í tíu daga. Hann hefur nú sent nánustu vinum sínum tölvupóst og tilkynnt þeim að hann sé í meðferð og að ekki sé hægt að ná í hann næstu 30 daga.

Stahl leikur Stein Steinarr í myndinni Kill the Poet, en tökur hefjast á Íslandi í haust. Margrét Hrafnsdóttir, framleiðandi myndarinnar, sagði í viðtali við Fréttablaðið á laugardag að Stahl væri ákaflega hæfileikaríkur: „Það er okkar lukka að hann hefur mjög gaman af því að taka að sér að leika í indímyndum. Þetta er Óskarsverðug rulla og þess vegna voru menn spenntir fyrir henni," sagði hún.