Íslenski boltinn

Þór/KA fær enskan Sauðkræking í markið

Sindri Sverrisson skrifar
Lauren-Amie Allen ver mark Þórs/KA í sumar.
Lauren-Amie Allen ver mark Þórs/KA í sumar. MYND/THORSPORT.IS

Þór/KA hefur fengið til sín enska markvörðinn Lauren-Amie Allen sem hefja mun æfingar með liðinu á morgun og leika með því í Pepsi Max-deildinni í fótbolta í sumar.

Allen, sem er fædd árið 1996, lék á Íslandi á síðasta ári þegar hún varði mark Tindastóls sem endaði í 3. sæti næstefstu deildar. Hún samdi við Þór/KA fyrr í vetur en kórónuveirufaraldurinn tafði fyrir komu hennar til Akureyrar. Nú er Allen hins vegar mætt og getur varið mark Þórs/KA gegn Stjörnunni eftir mánuð, þegar Íslandsmótið hefst.

Allen var hjá Chelsea sem barn og unglingur, eða til 18 ára aldurs, og fór þaðan til Fulham í eitt ár og Crystal Palace í þrjú ár.

Bryndís Lára Hrafnkelsdóttir lék 13 af 18 deildarleikjum Þórs/KA í fyrra en glímdi við meiðsli. Liðið fékk Elian Graus Domingo frá Sindra á Hornafirði, á undanþágu, til að spila síðustu leiki tímabilsins.




Fleiri fréttir

Sjá meira


×