Umboðsmaður Nasri staðfestir tilboð Arsenal

Umboðsmaður Samir Nasri, leikmanns Marseille, hefur staðfest að félaginu hafi borist tilboð frá Arsenal í Nasri.

Nasri er tvítugur að aldri og hefur sagt að hann vilji fara frá Marseille og spreyta sig í annarri deild.

Jean-Pierre Bernes, umboðsmaður Nasri, hefur sagt að hann sé að skoða tilboð frá Arsenal en hann sagði að ekkert væri öruggt í þessum málum. Hann sagði einnig að annað stórfélag í Evrópu hefði áhuga á Nasri.

Nasri var valinn í 30 manna landsliðshóp Frakka fyrir EM sem hefst í Austurríki og Sviss í næsta mánuði.