Á að setja bikara í tóma bikarskápa Benedikt Bóas Hinriksson skrifar 21. nóvember 2019 13:30 Vistaskipti hafa orðið í brú Tottenham. Inn kemur Portúgalinn Jose Mourinho og út fer Mauricio Pochettino. vísir/getty Tottenham Hotspur hefur aðeins unnið þrjá titla á síðustu 28 árum. Það er ekki nóg fyrir eigendur sem hafa byggt nýjan völl og eru með lið fullt af landsliðsmönnum víða að og gæði innan vallar sem utan. Félagið rak stjóra sinn, Argentínumanninn Mauricio Pochettino, á þriðjudagskvöldið og réð José Mourinho. Mourinho hefur unnið titla alls staðar þar sem hann hefur drepið niður fæti og á að dusta rykið af bikaraskápum Tottenham. Það voru ekki endilega mikil tíðindi að Pochettino hefði verið rekinn heldur tímasetningin á brottrekstri hans. Pochettino hefur aðeins náð í 24 stig í síðustu 25 deildarleikjum. Hann tapaði 7-2 fyrir FC Bayern í Meistaradeildinni og það virtist augljóst eftir úrslitaleikinn gegn Liverpool að Argentínumaðurinn væri kominn á endastöð með liðið. Leikmenn vildu annaðhvort fara eða ekki semja og spilamennskan var eftir því. Með þessu fylgdu úrslit sem hæfa ekki liði sem spilar á einum flottasta velli Evrópu og telur sig vera eitt af stóru liðunum. En þeir hafa líka litlu eytt í leikmenn. Mourinho mun ekki líða það. Það hefur sagan sýnt. Á þeim fimm árum sem Pochettino var við stjórnvölinn eyddi Tottenham engum stórkostlegum upphæðum og frægt að félagið eyddi engu í 18 heila mánuði. Það mun ekki gerast á vakt Mourinho. Í grein The Athletic kemur fram að Argentínumaðurinn hafi verið búinn að tapa klefanum og leikmenn virtu hann sífellt minna. Þeir voru orðnir þreyttir á kröfum hans og undruðust taktík hans fyrir leiki. Fyrir einn leik fengu þeir einmitt lítil sem engin fyrirmæli og töpuðu. Þó stukku leikmenn til samfélagsmiðla og þökkuðu fyrrverandi stjóra sínum fyrir tímann og óskuðu honum alls hins besta. Fyrir tíma Pochettino hafði Tottenham aðeins endað tvisvar á meðal fjögurra efstu síðan enska úrvalsdeildin hóf göngu sína. Argentínumaðurinn kom og gerði félagið að einu af stóru félögunum en nú vilja eigendurnir meira. Og leita til Mourinho sem vinnur bikara hvar sem hann drepur niður fæti. Mourinho stýrði æfingum í gær enda leikjaprógramm Tottenham ekkert grín. West Ham um helgina en liðin eru engir perluvinir. Miðvikudaginn 4. desember er það svo Old Trafford, 11. desember fer liðið til Bayern og 22. desember er það Stamford Bridge. Mourinho hefur verið að búa til nýja ímynd af sér með því að sitja í sjónvarpinu og er nánast búinn að þurrka af sér fýlukallastimpilinn. Eitt er víst, þó að Tottenham sé nú í 14. sæti er liðið skyndilega til alls líklegt. Hvað næst fyrir Pochettino?Argentínumaðurinn hefur staðið sig vel hjá Tottenham þrátt fyrir skort á verðlaunapeningum. Enginn skyldi dæma hann á genginu undanfarna átta mánuði í deildinni. Frá því að hann tók við Tottenham hefur félagið orðið eitt af þeim stóru á Englandi. Það er vissulega laust starf hjá FC Bayern í Þýskalandi, sem vann Tottenham 7-2 í Meistaradeildinni. PSG hefur lengi horft löngunaraugum til síns fyrrverandi leikmanns en Pochettino spilaði 70 leiki fyrir félagið frá 2001-2003. Thomas Tuchel, sem þar stýrir, gæti þurft að horfa yfir öxlina á sér þó liðið hafi tekið framförum í byrjun tímabilsins. Manchester United hefur einnig horft til hans þótt Ole Gunnar sé enn við stýrið. Þá hefur seinni bylgja Zidane hjá Real Madrid ekki gengið þrautalaust. Pochettino verður ekki lengi án atvinnu. Í grein The Athletic segir að Argentínumaðurinn Pochettino hafi fengið boð frá eiganda félagsins um að segja af sér en neitað. Birtist í Fréttablaðinu Enski boltinn Mest lesið Gætu hent Crystal Palace út úr Evrópudeildinni Enski boltinn Hóta Abramovich lögsókn og vilja láta Úkraínu fá Chelsea peninginn Enski boltinn Sá glitta í þá Söru Sigmunds sem við þekkjum svo vel Sport Bruno ætlar ekki að sækja seðlana í Sádi-Arabíu Enski boltinn Leikmenn ensku stórliðanna kvarta við leikmannasamtökin Enski boltinn Sýndu reiði Davíðs skilning en fannst hann fara yfir strikið Íslenski boltinn Ummæli Davíðs Smára ekki á borði aganefndar Íslenski boltinn Sjáðu klaufalegu mörkin sem Fram gaf frá sér Sport Leikurinn sem gæti leitt stelpurnar að HM í fyrsta sinn Fótbolti Hélt boltanum á lofti í 28 klukkutíma Fótbolti Fleiri fréttir Sancho samdi ekki við Chelsea sem þarf að borga sekt Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Hóta Abramovich lögsókn og vilja láta Úkraínu fá Chelsea peninginn Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni Man. City vill fá bakvörð frá Úlfunum Beckham óánægður með hegðun leikmanna Manchester United Hákon mun slást við Kelleher um stöðuna Rauðu djöflarnir staðfesta kaup á Cunha Hispurslaus Amorim mun reynast Man United vel Arsenal í viðræðum við Leipzig vegna Šeško Walker í vandræðum og verður ekki áfram hjá City Tottenham lætur fimm fara og festir fyrstu kaup sumarsins Fyrrum aðstoðarmaður Klopp aðstoðar Guardiola á næsta tímabili Ungu strákarnir björguðu andliti Man United í Hong Kong „Auðveld ákvörðun“ þegar hann heyrði af áhuga Liverpool Enn hærra metboð frá Liverpool Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Kaupa Delap og eru í viðræðum við Sancho Enginn labbaði meira en verðandi leikmaður Man United Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Leita til Liverpool að nýjum kollega Hákonar Stuðningsmenn Chelsea köstuðu glösum og stólum í Póllandi „Án Meistaradeildarinnar þurfum við ekki stóran leikmannahóp“ Forstjóri Liverpool þakkar stuðningsmönnum sem hjálpuðu hver öðrum Sjá meira
Tottenham Hotspur hefur aðeins unnið þrjá titla á síðustu 28 árum. Það er ekki nóg fyrir eigendur sem hafa byggt nýjan völl og eru með lið fullt af landsliðsmönnum víða að og gæði innan vallar sem utan. Félagið rak stjóra sinn, Argentínumanninn Mauricio Pochettino, á þriðjudagskvöldið og réð José Mourinho. Mourinho hefur unnið titla alls staðar þar sem hann hefur drepið niður fæti og á að dusta rykið af bikaraskápum Tottenham. Það voru ekki endilega mikil tíðindi að Pochettino hefði verið rekinn heldur tímasetningin á brottrekstri hans. Pochettino hefur aðeins náð í 24 stig í síðustu 25 deildarleikjum. Hann tapaði 7-2 fyrir FC Bayern í Meistaradeildinni og það virtist augljóst eftir úrslitaleikinn gegn Liverpool að Argentínumaðurinn væri kominn á endastöð með liðið. Leikmenn vildu annaðhvort fara eða ekki semja og spilamennskan var eftir því. Með þessu fylgdu úrslit sem hæfa ekki liði sem spilar á einum flottasta velli Evrópu og telur sig vera eitt af stóru liðunum. En þeir hafa líka litlu eytt í leikmenn. Mourinho mun ekki líða það. Það hefur sagan sýnt. Á þeim fimm árum sem Pochettino var við stjórnvölinn eyddi Tottenham engum stórkostlegum upphæðum og frægt að félagið eyddi engu í 18 heila mánuði. Það mun ekki gerast á vakt Mourinho. Í grein The Athletic kemur fram að Argentínumaðurinn hafi verið búinn að tapa klefanum og leikmenn virtu hann sífellt minna. Þeir voru orðnir þreyttir á kröfum hans og undruðust taktík hans fyrir leiki. Fyrir einn leik fengu þeir einmitt lítil sem engin fyrirmæli og töpuðu. Þó stukku leikmenn til samfélagsmiðla og þökkuðu fyrrverandi stjóra sínum fyrir tímann og óskuðu honum alls hins besta. Fyrir tíma Pochettino hafði Tottenham aðeins endað tvisvar á meðal fjögurra efstu síðan enska úrvalsdeildin hóf göngu sína. Argentínumaðurinn kom og gerði félagið að einu af stóru félögunum en nú vilja eigendurnir meira. Og leita til Mourinho sem vinnur bikara hvar sem hann drepur niður fæti. Mourinho stýrði æfingum í gær enda leikjaprógramm Tottenham ekkert grín. West Ham um helgina en liðin eru engir perluvinir. Miðvikudaginn 4. desember er það svo Old Trafford, 11. desember fer liðið til Bayern og 22. desember er það Stamford Bridge. Mourinho hefur verið að búa til nýja ímynd af sér með því að sitja í sjónvarpinu og er nánast búinn að þurrka af sér fýlukallastimpilinn. Eitt er víst, þó að Tottenham sé nú í 14. sæti er liðið skyndilega til alls líklegt. Hvað næst fyrir Pochettino?Argentínumaðurinn hefur staðið sig vel hjá Tottenham þrátt fyrir skort á verðlaunapeningum. Enginn skyldi dæma hann á genginu undanfarna átta mánuði í deildinni. Frá því að hann tók við Tottenham hefur félagið orðið eitt af þeim stóru á Englandi. Það er vissulega laust starf hjá FC Bayern í Þýskalandi, sem vann Tottenham 7-2 í Meistaradeildinni. PSG hefur lengi horft löngunaraugum til síns fyrrverandi leikmanns en Pochettino spilaði 70 leiki fyrir félagið frá 2001-2003. Thomas Tuchel, sem þar stýrir, gæti þurft að horfa yfir öxlina á sér þó liðið hafi tekið framförum í byrjun tímabilsins. Manchester United hefur einnig horft til hans þótt Ole Gunnar sé enn við stýrið. Þá hefur seinni bylgja Zidane hjá Real Madrid ekki gengið þrautalaust. Pochettino verður ekki lengi án atvinnu. Í grein The Athletic segir að Argentínumaðurinn Pochettino hafi fengið boð frá eiganda félagsins um að segja af sér en neitað.
Birtist í Fréttablaðinu Enski boltinn Mest lesið Gætu hent Crystal Palace út úr Evrópudeildinni Enski boltinn Hóta Abramovich lögsókn og vilja láta Úkraínu fá Chelsea peninginn Enski boltinn Sá glitta í þá Söru Sigmunds sem við þekkjum svo vel Sport Bruno ætlar ekki að sækja seðlana í Sádi-Arabíu Enski boltinn Leikmenn ensku stórliðanna kvarta við leikmannasamtökin Enski boltinn Sýndu reiði Davíðs skilning en fannst hann fara yfir strikið Íslenski boltinn Ummæli Davíðs Smára ekki á borði aganefndar Íslenski boltinn Sjáðu klaufalegu mörkin sem Fram gaf frá sér Sport Leikurinn sem gæti leitt stelpurnar að HM í fyrsta sinn Fótbolti Hélt boltanum á lofti í 28 klukkutíma Fótbolti Fleiri fréttir Sancho samdi ekki við Chelsea sem þarf að borga sekt Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Hóta Abramovich lögsókn og vilja láta Úkraínu fá Chelsea peninginn Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni Man. City vill fá bakvörð frá Úlfunum Beckham óánægður með hegðun leikmanna Manchester United Hákon mun slást við Kelleher um stöðuna Rauðu djöflarnir staðfesta kaup á Cunha Hispurslaus Amorim mun reynast Man United vel Arsenal í viðræðum við Leipzig vegna Šeško Walker í vandræðum og verður ekki áfram hjá City Tottenham lætur fimm fara og festir fyrstu kaup sumarsins Fyrrum aðstoðarmaður Klopp aðstoðar Guardiola á næsta tímabili Ungu strákarnir björguðu andliti Man United í Hong Kong „Auðveld ákvörðun“ þegar hann heyrði af áhuga Liverpool Enn hærra metboð frá Liverpool Trent með á HM og Liverpool fær væna summu Skrifar undir fimm ára samning við Liverpool Fyrirliði Man. Utd íhugar alvarlega risatilboð frá Sádi-Arabíu Kaupa Delap og eru í viðræðum við Sancho Enginn labbaði meira en verðandi leikmaður Man United Arsenal að sækja miðjumann þó það sárvanti framherja Henry segir að Arsenal hafi ekki staðið undir væntingum United niðurlægt í Malasíu Leita til Liverpool að nýjum kollega Hákonar Stuðningsmenn Chelsea köstuðu glösum og stólum í Póllandi „Án Meistaradeildarinnar þurfum við ekki stóran leikmannahóp“ Forstjóri Liverpool þakkar stuðningsmönnum sem hjálpuðu hver öðrum Sjá meira