Byrjunarliðið gegn Andorra: Aron Einar með

Erik Hamrén hefur tilkynnt byrjunarlið Íslands sem mætir Andorra í fyrsta leik sínum í undankeppni EM 2020 í kvöld. Leikurinn hefst klukkan 19:45.

Aron Einar Gunnarsson er í byrjunarliðinu en óvissa ríkti um þátttöku hans vegna meiðsla. Hann er á sínum stað á miðjunni við hlið Birkis Bjarnasonar. Fyrir framan þá er Gylfi Þór Sigurðsson.

Jóhann Berg Guðmundsson er á hægri kantinum og Arnór Sigurðsson á þeim vinstri. Alfreð Finnbogason er í fremstu víglínu.

Birkir Már Sævarsson er að venju í byrjunarliðinu en hann leikur sinn 89. landsleik í kvöld. Hann kemst þar með upp í 2.-3. sætið á listanum yfir leikjahæstu leikmenn Íslands frá upphafi.

Íslenska liðið er án sigurs í síðustu 15 leikjum sínum og á enn eftir að vinna sigur undir stjórn Hamréns.

Byrjunarlið Íslands:

Hannes Þór Halldórsson

Birkir Már Sævarsson

Kári Árnason

Ragnar Sigurðsson

Ari Freyr Skúlason

Jóhann Berg Guðmundsson

Aron Einar Gunnarsson (fyrirliði)

Birkir Bjarnason

Arnór Sigurðsson

Gylfi Þór Sigurðsson

Alfreð Finnbogason

Byrjunarliðið gegn Andorra!#fyririslandpic.twitter.com/ZfIwRruotl

— Knattspyrnusambandið (@footballiceland) March 22, 2019