Aron áfram funheitur í Noregi og öflugur sigur Victors

Aron Sigurðarson heldur áfram að fara á kostum hjá Start í norsku B-deildinni en hann skoraði tvö mörk í 3-1 sigri Start á Kongsvinger í dag.

Aron hefur raðað inn mörkunum fyrir Start og skoraði fyrsta markið á 41. mínútu í dag. Þannig var staðan er liðin gengu til búningsherbergja.

Á 66. mínútu tvöfaldaði Start forystuna og hann átti svo þátt í þriðja og síðasta markinu sem kom fimm mínútum síðar.

Kongsvinger minnkaði muninn er líða fór á leikinn en lokatölur 3-1 sigur Start. Aron spilaði allan leikinn en Start er í öðru sæti deildarinnar. Jóhannes Harðarson er þjálfari Start.

Aron Jóhannsson var ónotaður varamaður er Hammarby gerði 2-2 jafntefli við Kalmar á útivelli í sænsku úrvalsdeildinni. Hammarby er í fjórða sæti deildarinnar.

Guðlaugur Victor Pálsson spilaði allan leikinn fyrir Darmstadt sem vann 2-0 sigur á Holsten Kiel í þýsku B-deildinni. Darmstadt er með fjögur stig eftir tvo leiki.

Rúnar Már Sigurjónsson og félagar í Astana töpuðu gegn Shakhter Karagandy í Kasakstan. Astana er nú stigi á eftir toppliði Tobol Kostanay sem vann í dag.