Rúnar Alex úr leik og Ingvar Jónsson inn í hópinn

Markvarðarskipti hafa orðið í hóp íslenska karlalandsliðsins í knattspyrnu eftir að kom í ljós að Rúnar Alex Rúnarsson getur ekki tekið þátt í leikjunum á móti Albaníu og Tyrklandi í undankeppni EM.

Rúnar Alex meiddist í upphitun fyrir leik Dijon í lokaumferð frönsku deildarinnar og í dag komst það á hreint að hann myndi ekki ná sér í tíma fyrir leikina mikilvægu.

Eric Hamrén ákvað að kalla á nýjan markvörð en Ingvar Jónsson, markvörður Viborg í Danmörku, kemur inn í hans stað.

Ingvar kemur til móts við liðið á fimmtudaginn. Hann hefur leikið 8 landsleiki, síðast gegn Eistlandi 15. janúar síðastliðinn.

Aðrir markverður liðsins eru þeir Hannes Þór Halldórsson og Ögmundur Kristinsson.

Ingvar Jónsson hefur verið kallaður inn í hóp Íslands fyrir leikina gegn Albaníu og Tyrklandi.

Rúnar Alex Rúnarsson hefur þurft að draga sig úr hópnum vegna meiðsla.

Ingvar Jónsson has been called up to the squad in place of Rúnar Alex Rúnarsson who is injured.#fyririslandpic.twitter.com/SinXEo7Ssw

— Knattspyrnusambandið (@footballiceland) June 4, 2019