Hjörtur spilaði allan leikinn í tapi

Hjörtur Hermannsson lék allan leikinn í hjarta varnarinnar hjá Bröndby er liðið tapaði fyrir FC Kaupamannahöfn í danska boltanum.

 

Simon Hedlund kom Bröndby yfir snemma leiks og allt stefndi í að Bröndby færi með forystuna í hálfleikinn en það var þó ekki raunin.

 

Robert Skov jafnaði metin fyrir FC Kaupmannahöfn á 40. mínútu áður en Viktor Fischer kom liðinu yfir og var staðan því 1-2 í hálfleiknum.

 

Fleiri mörk voru ekki skoruð í leiknum en eftir leikinn er Bröndby með 40 stig í fimmta sæti deildarinnar á meðan FC Kaupamannahöfn er í efsta sætinu með 67 stig.